2 تريليون جنيه لتغيير خريطة النقل في مصر.. إيه اللي اتنفذ من 2014 لحد 2026؟

أكتر من 2 تريليون جنيه استثمارات.. ده حجم اللي اتضخ في مشروعات النقل بمصر من 2014 لحد 2026، بهدف تطوير الطرق والكباري والموانئ وشبكات النقل المختلفة.
شبكة الطرق الرئيسية وصلت لحوالي 31 ألف كيلومتر، مقارنة بـ23 ألف و500 كيلومتر سنة 2014، مع تنفيذ 6600 كيلومتر طرق جديدة، وتطوير 8700 كيلومتر من الطرق القائمة.
ومن أبرز المشروعات محور روض الفرج وكوبري تحيا مصر، بطول إجمالي 16 كيلومترًا، وكمان الطريق الدائري الإقليمي بطول 400 كيلومتر، ومحور الضبعة اللي بيساعد في خدمة مشروعات استصلاح 200 ألف فدان.
وعلى النيل، وصل عدد المحاور والكباري المنفذة لـ73 محورًا وكوبريًا، بجانب تطوير الموانئ البحرية.
ميناء السخنة شهد إنشاء أرصفة بطول 18 كيلومترًا، وميناء دمياط بيستهدف طاقة تداول 3.5 مليون حاوية سنويًا، ومحطة تحيا مصر بالإسكندرية بتستوعب من 12 لـ15 مليون طن سنويًا، لدعم التجارة والاستثمار.