من أكتوبر للعاصمة الإدارية.. مشروعات كهربائية جديدة بتغير شكل المواصلات

المترو والمونوريل والقطار الكهربائي السريع.. مصر بتوسع خريطة النقل الجماعي بمشروعات جديدة هدفها تسهيل حركة المواطنين وربط المدن والمحافظات ببعض.

من أبرز المشروعات الخط الرابع للمترو، اللي هيمتد 19 كيلومتر ويضم 17 محطة، ويربط أكتوبر بالجيزة والفسطاط، ويمر بالمتحف المصري الكبير والأهرامات.

وفي شرق القاهرة، القطار الكهربائي الخفيف بيربط محطة عدلي منصور بالعاصمة الإدارية والعاشر من رمضان، بطول مخطط 103 كيلومترات.

أما مونوريل شرق النيل، فدخل الخدمة بالكامل عبر 22 محطة، وبيربط مدينة نصر والتجمع الخامس بالعاصمة الإدارية، بينما مونوريل غرب النيل بيستكمل ربط أكتوبر بالجيزة.

وعلى مستوى الجمهورية، فيه شبكة قطار كهربائي سريع مخطط ليها بطول 2250 كيلومتر، لنقل الركاب والبضائع وربط الموانئ والمناطق الصناعية.

كمان الدولة بتطور السكك الحديدية، وبتحدث الجرارات والعربات والمحطات، ومن أبرز المشروعات محطة قطارات صعيد مصر ببشتيل، اللي بتدعم حركة السفر بين القاهرة ومحافظات الصعيد.