تأخيرات ومفيش خدمات.. شكاوى جديدة لحاجزي وحدات المرشدي في زهرة الساحل
عادت شكاوى المتضررين من شركة معمار المرشدي تظهر للنور مجددا بسبب ما يحدث في مشروع زهرة الساحل الشمالي، نتيجة التأخيرات المستمرة وعدم الوفاء بالتعاقدات في المواعيد المحددة.
وظهرت تعليقات جديد الأسبوع الماضي خلال أغسطس الجاري 2025، لعدد من العملاء يرغبون في الشراء داخل مشروع زهرة الساحل الشمالي، إلا أن التعليقات السلبية التي ظهرت على شركة معمار المرشدي من المتضررين لعبت دورا بارزا في عزوف المواطنين عن قرار الشراء.
ومن بين هؤلاء كتب محمود عاشور بوست على مواقع التواصل الاجتماعي قائلا: "السلام عليكم انا معروض عليا اشترى فى زهرة من معمار نفسهم و شايف ناس بتقول ان فى مشاكل فى الاستلام.. بس معمار بعتيلي فيديوهات أن فى أنشطة شغالة وناس استلمت بالفعل وناس صيفت السنة دى وناس فى حمام السباحة والمنطقة التجارية وعرض الدولفين شغالة كمان؟ وأنهم اتاخروا شوية فعليا فى التسليم مش بينكروا دا، هل فعليا فى أنشطة شغالة الصيف 2025 دا ؟ وهل مرحلة داون تاون خلصانة إنشاءات؟ لأنهم بيقولوا تسليم ستة شهور".
وما أن كتب هذا المنشور، إلا وظهر عدد كبير من متضرري شركة معمار المرشدي في مشروع زهرة الساحل الشمالي ومن بينهم نادر محمود الذي علق قائلا: "أنا ميعاد الاستلام عندي شهر ١١ من سنة 2023 وقالوا مش هيصرفوا شيك الاستلام إلا لما نستلم والسنة اللي فاتت صرفوا شيك دفعة الاستلام والوديعة.. وبيصرفوا كل شيكاتهم في ميعادها وبتواصل معاهم وبيدوني كل شوية ميعاد جديد، وآخر ميعاد كان شهر ٧ سنه 2026، والله أعلم هيكون في تاني تأخير ولا إيه والمفترض التعويض اللي ليا يكون 300 جنيه عن كل شهر تأخير تسليم وهما واخدين مننا ملايين ولو شيك واحد هيتأخر هتكون غرامة تأخيره كل أسبوع بالآلاف.
وتابع قائلا: "من الآخر حسبي الله ونعم الوكيل، واللي يقبل يشيل، بس أنا مش مسامح، ممكن أقول عليهم شركة محترمة لو تم تعويض كل العملاء اللي أتأخر تسليمهم بما يليق من الخدمات والمزايا بما يتناسب مع استغلال الفلوس بدون تسليم".
أمام نهاد سليم اكتفت بالتعليق القصير قائلة: "شركة نصابة لا تشتري"، بينما علق أحمد حبيب قائلا: "شركة نصابة خلي بالك".
قال ريمون سمير، أحد ملاك مشروع زهرة: "بص حضرتك.. أنا مالك في زهرة في زون 2، واللي تم تسليمها السنة اللي فاتت، لكن كان فيها حمامات سباحة فقط، أما اللاندسكيب وباقي الخدمات لسه مش جاهزة بسبب استمرار أعمال الإنشاء. بالنسبة لزون 16 أو ما يُعرف بالداون تاون (الجزء الشرقي)، كان المفروض يتسلم في يوليو 2025 لكنه اتأخر شوية، ولسه قدامهم شهرين أو ثلاثة علشان يبدأ تسليم أجزاء منه. أنا استلامي المفترض يكون 9/2025، لكن في رأيي مش قبل 12/2025، وطبعًا هيكون التسليم بدون خدمات".
وتابع: "بالنسبة للبحر، الشركة قالت السنة الجاية، لكن أنا بقول مش قبل سنتين على الأقل. حتى اللي هيستلم السنة دي مش هيعرف يستخدم القرية بشكل كامل لأن الخدمات لسه مش موجودة. فيه بعض المحلات اتفتحت قدام القرية علشان تحرك المكان شوية، لكن القرية قدامها سنتين علشان تكون صالحة للاستخدام، سواء من ناحية البحر أو الخدمات. يعني اللي عايز يشتري لازم يحط في حسابه 3 أو 4 سنين قبل ما تبقى القرية متكاملة. أما لو مستعجل، الأفضل يشوف قرية تانية".
وفي منشور آخر كتب آدم علي: "صباح الخير.. كنت على وشك أشتري في زهرة، بس بعد ما شوفت كلام الملاك، اكتشفت إنه قرار غلط. طيب أشتري فين؟ رأيكم يهمني جدًا".
وعلّق عدد كبير من المتضررين، من بينهم أبو سلوى قائلًا: "خير ما فعلت.. أسوأ معمار هو معمار المرشدي، وعدد القضايا المرفوعة ضده كبير جدًا بسبب تأخير الاستلام. وزهرة مش شاطرين غير في إعلانات رمضان".
أما أحمد مصطفى فعقّب قائلًا: "بكرة هتندم أشد الندم.. وافتكر كلامي".