من 121 لـ158 منطقة صناعية.. إيه اللي بيتغير في خريطة الصناعة بمصر؟
عارف أن عدد المناطق والمجمعات الصناعية في مصر زاد من 121 لـ158 منطقة ومجمع؟ طب إيه اللي ورا الزيادة دي، وإزاي ممكن يستفيد منها المستثمر والمواطن؟
الدكتور عبد المنعم السيد، مدير مركز القاهرة للدراسات الاقتصادية، بيقول إن التوسع في المناطق الصناعية مش مجرد توفير أراضي جديدة، لكنه خطوة مهمة لجذب الاستثمارات وتشغيل مصانع أكتر.
الفكرة أن المستثمر يلاقي أرض مجهزة بالمرافق والبنية الأساسية، وده يقلل عليه تكاليف تأسيس المشروع، ويشجعه يضخ استثمارات جديدة ويوفر فرص عمل.
والأهم أن المجمعات الصناعية المتخصصة ممكن تكون فرصة ذهبية للمشروعات الصغيرة والمتوسطة، لأنها بتوفر بيئة إنتاج متكاملة تساعد أصحاب المشروعات يبدأوا ويتوسعوا من غير ما يتحملوا تكلفة تجهيز البنية الأساسية لوحدهم.
وفي مفاجأة مهمة، أكتر من 85% من الصادرات المصرية غير البترولية جاية من الصناعات المختلفة.
يعني الصناعة مش بس مصانع.. دي إنتاج وتصدير وفرص عمل