رئيس مجلس الإدارة
رضا سالم
رئيس التحرير
نصر نعيم

مصر ضمن أقوى 10 أساطيل جوية!. من سبقها ومن جاءت خلفه؟

الرفال
الرفال

لو بصينا على حجم الطيران العسكري في العالم، هنلاقي إن مصر موجودة وسط أكبر 10 دول من حيث عدد الطائرات!

تقرير دولي جديد حط القوات الجوية المصرية في المركز التاسع عالميا، بإجمالي 1088 طائرة عسكرية.

والمفاجئ إن مصر سبقت دول كبيرة زي فرنسا وبريطانيا وإسرائيل؛ فرنسا جت في المركز العاشر بـ973 طائرة، وبريطانيا في المركز الـ15 بـ625 طائرة، وإسرائيل في المركز الـ17 بـ597 طائرة.

لكن تركيا قدرت تتقدم على مصر بمركز واحد بس، وبفارق 13 طائرة، بعدما سجلت 1101 طيارة.

الأرقام دي واردة في تصنيف «World Air Forces 2026» الصادر عن «FlightGlobal» بالتعاون مع «Cirium».

بس مهم نعرف إن التصنيف مش للمقاتلات بس ده بيحسب كمان طائرات النقل والتدريب والاستطلاع والمروحيات.

يعني المركز التاسع بيقولنا حجم الأسطول الجوي المصري، لكنه مش بالضرورة معناه إن مصر تاسع أقوى قوة جوية في العالم.

تم نسخ الرابط