منة تكشف تفاصيل ارتدائها الحجاب لأول مرة.. حلم في رمضان كان وراء ارتداء الطرحة

كشفت المطربة منة، صاحبة أغنية «احكيلي وفضفضيلي»، تفاصيل ابتعادها عن الساحة الفنية وارتدائها الحجاب خلال السنوات الماضية، موضحة حقيقة ارتباط قرارها بوفاة شقيقتها، مؤكدة أن الأمر لم يكن بسبب وفاتها.

تصريحات منة 

وقالت المطربة منة خلال لقائها في برنامج كلام الناس: بعد لما أختي نهلة بعدت عن الفن أنا حاولت أكمل ولكني ماحبتش أغني من غيرها تاني، لأن من وإحنا صغيرين كنا بنغني مع بعض طول الوقت وكنت عايزاها معايا.

وعن تفاصيل ارتدائها الحجاب، أضافت منة: بعيد عن الوفيات وهي بتكون عظة من الله علشان يقول دي آخرتك والبقاء لله وحده، واللي حصل إن قبل ما نهلة تتوفى قلتلها إني تعبانة مفيش مخدة مريحاني، ولاقيتها بعتالي مخدتين جداد، ومكنتش أعرف إن عندي مشكلة صحية في المرارة، ونهلة توفيت ووالدي توفي.

وأردفت منة: اللي خلاني أتحجب إني كنت تعبانة في السرير بقول لـ ربنا أنت سايبني لوحدي أنا تعبانة أشتكي لمين؟، سمعت حاجة حلوة أوي خاصة روحية إني في مشيئة الله، من ساعتها بقول أنا كنت فين؟، أنا كنت ملهية في الدنيا والشغل وكان نفسي ألتزم في الصلاة ومن ساعة ما سمعت في ودني إني في مشيئة الله ومن ساعتها سبحان الله شفت تجليات وكان بيبقى في ضلالات في النص ولكن الجزئية دي اللي كانت تجليات معايا.

ختام تصريحات منة

واختتمت: من 5 سنين في رمضان شفت إني بلبس الطرحة، وصحيت قلت أنا هحط الطرحة احتشام، وبعدين ألاقي آيات في القرآن عن الحجاب، وبعدين قلت هجتهد وبقيت على قد ما أقدر أطيع ربنا في الحجاب وربنا يتقبل، أنا بحاول.