المطرب ايساف: والنبي الغوا منصات الاغاني و رجعولنا شريط الكاسيت 

 المطرب ايساف: والنبي الغوا منصات الاغاني و رجعولنا شريط الكاسيت 

شارك المطرب ايساف منشوراً جديد بعد إثارة الجدل بشأن موقع التواصل الاجتماعي والتيك توك، وكتب ايساف عبر صفحتة علي فيسبوك، “بالمناسبة والنبي الغوا منصات الاغاني و رجعولنا شريط الكاسيت و البوسترات بتاعته”.

يذكر أن الفنان إيساف  حلّ ضيفاً على برنامج "اسمعني شكراً" مع الإعلامية سيرا إبراهيم، في حلقة وتحدث خلالها عن محطات إنسانية وفنية فارقة في حياته.

وتحدّث إيساف عن والده قائلاً: "علّمني الرجولة والكرامة.. مكنش بيزعق ولا يضرب، كلمته كانت قانون.. كان يربيني بالفعل، مش بالكلام. كنت أتعلم من وقفته، من طريقته في الصرف على أهل بيته رغم إنه مش غني. مكنش بيطلب مني حاجة، كنت بشوف وبقلد. كان بيحب الصدق ويكره الكذب، وعلمني أكون راجل حتى لو ماعنديش جنيه".

وعن شقيقه الراحل قال: "ببكي عليه كل يوم. كان مش بس أخويا، ده كان سندي وصديقي وكتفي. فقدانه كسرني ومش قادر أتقبله لحد النهاردة، وكل ما أفتكره بحس إن فيّ حاجة اتكسرت ومش هتتصلح".

أما عن زوجته، فقال: "هي ضهري الحقيقي. وقفت جنبي في كل لحظة صعبة. فيها حنية واحتواء وصبر مش طبيعي. كل يوم باكتشف فيها حاجة تخليني أحبها أكتر. وجودها غيّر حياتي بجد".

وانتقد إيساف حال الفن الآن قائلاً: "الفن بقى تجارة وفرق كبير بين الشهرة الحقيقية والتريند المؤقت  والمنتجين بقوا بيفكروا في المكسب مش في القيمة، والموسيقى الكلاسيك أو البوب اتظلمت وسط زحمة الأنواع الجديدة. أنا مش ضد التطور، بس ضد التفاهة. مش كل حاجة تنتشر تبقى فن".