3.5 مليار دولار خرجت من مصر.. لغز ارتفاع الاحتياطي الأجنبي رغم نزوح الأموال الساخنة

3.5 مليار دولار خرجت من مصر خلال شهر واحد.. ورغم كده احتياطي النقد الأجنبي سجل أعلى مستوى في تاريخه

أرقام تبدو متناقضة، لكن وراها تفاصيل مهمة.

في أكتوبر، سجل المستثمرون الأجانب صافي مبيعات في أذون الخزانة المصرية بنحو 3.5 مليار دولار، ودي اللي بنسميها الأموال الساخنة.

ورغم خروج المبلغ ده، احتياطي النقد الأجنبي في مصر زاد بنحو 152 مليون دولار، ووصل إلى مستوى قياسي بلغ 57.5 مليار دولار.

طيب إزاي حصل ده؟

السبب الأول إن أرصدة العملات الأجنبية السائلة ارتفعت بنحو 768 مليون دولار، وتجاوزت 40 مليار دولار، وده عوض تراجع القيمة الدولارية للذهب بنحو 613 مليون دولار.

وفيه كمان مصادر تانية بتدعم تدفقات العملة الصعبة، أبرزها تحويلات المصريين بالخارج، اللي وصلت إلى 33.9 مليار دولار خلال أول 8 شهور من 2026، بزيادة 27.2%.

أما قناة السويس، فإيراداتها قفزت بنسبة 94% خلال أكتوبر، وسجلت 724 مليون دولار.

واللافت إن احتياطي مصر من النقد الأجنبي زاد بنحو 22.2 مليار دولار منذ صفقة رأس الحكمة في فبراير 2024.

وبين خروج الأموال الساخنة وزيادة الاحتياطي، بتكشف الأرقام عن مصادر متعددة للعملة الصعبة ساهمت في دعم احتياطي مصر، رغم التقلبات في حركة استثمارات الأجانب.