«توروب ظلمني».. نجم الأهلي السابق يكشف كواليس مثيرة عن فترته مع الأحمر

كشف أحمد رمضان بيكهام، لاعب سيراميكا كليوباترا الحالي والأهلي السابق، كواليس فترته مع الفريق الأحمر خلال الموسم الماضي 2025-2026، موضحًا أسباب شعوره بعدم الحصول على فرصته بالشكل الكافي.

وقال بيكهام، خلال تصريحات عبر برنامج «من القاهرة» المذاع على قناة أون سبورت: «بحس الدنيا مش ماشية معايا في الأهلي، معرفش السبب بالظبط، في أكتر المواقف بحسها مش كورة».

وأضاف: «أنا مبتكلمش مع مدربين نهائيًا، بتمرن وبعمل اللي عليا لحد ما ألعب».

وتطرق لاعب سيراميكا إلى موقف جمعه بالمدرب ييس توروب، المدير الفني السابق للأهلي، خلال مباراة السوبر أمام سيراميكا كليوباترا، موضحًا: «توروب قعد معايا وقالي لو طلعنا كلين شيت تبقى إنت عملت اللي عليك».

وتابع: «بعدها قالي إنت لما بتلعب بتثبت نفسك وأنا عارف إني ظلمتك، ولكن هتجيلك الفرصة وهتلعب، وطالبني إني أكمل وأتمرن زي ما كنت شغال».

وكشف بيكهام عن موقف آخر خلال مواجهة الترجي في الموسم الماضي، قائلًا: «أنا كنت مفروض المدافع التالت في الأهلي بعد ياسر وياسين مرعي، ولكن في لقاء الترجي لقيت الراجل بيلاعب هادي رياض، وأنا كنت مستني السنة كلها عشان الفرصة دي، ولما ياسين مرعي اتصاب مشاركتش».