«ياريتك كنتي عايشة».. رانيا محمود ياسين تنعى سهام جلال بكلمات مؤثرة

أعربت الفنانة رانيا محمود ياسين عن حزنها لرحيل الفنانة سهام جلال، مؤكدة أنها لم تربطها بها علاقة شخصية، لكنها كانت تكن لها كل المحبة والتقدير. 

وأشارت إلى أن حجم الاهتمام والحديث عنها بعد وفاتها كان يستحق أن تحظى به خلال حياتها، تقديرًا لمسيرتها الفنية وما قدمته من أعمال للجمهور.

رانيا محمود ياسين تنعى سهام جلال 

وكتبت رانيا محمود ياسين عبر حسابها بموقع إنستجرام: "الله يرحم سهام جلال ويغفر لها ويثبتها عند السؤال للأسف مكنتش أعرفها شخصيًا بس كنت بحبها، يا ريت الاهتمام ده كان يبقى وهي عايشة لكن للأسف الدنيا كده لما راح المقبرة بقى  حتة سكرة".

وأضافت رانيا محمود ياسين: "اللي عايزة أقوله إن الشغلانة دي مفيش فيها حاجة اسمها أصحاب والله ولا في أي شغلانة هي الحكاية كفاءات أو محسوبيات وفي مهنتنا بالتحديد كل ما تبقى لسه جديد وفريش تبقى مطلوب أكثر محدش يلوم على نجوم يقول انهم خذلوا اللي بيطلب منهم شغل لأن النجم أحيانًا بيقى مش لاقي حاجة مناسبة للطالب منه العمل معاه".

 وتابعت: "كمان النجوم بيغيروا أرقامهم كتير من وقت للتاني ممكن تطلبوا على رقم غلط وتتصور انه تجاهلك وأحيانًا تانية يبقى مشغول جدًا في تحضير العمل اللي متباع باسمه بيقى مش فاضي يرصد كل رقم كلمة أو رسالة جاتله فبلاش دايما نشيطن النجوم  كل ما حد من زملاء يتوفاه الله قهرا ونقول زملائه سبب هي اصلا مش بتاعتهم تشغيل حد والحقيقة في صعوبة شديدة في الميديا وناس كتير قاعدين في البيت والشغلانه حقيقي مالهاش كاتلوج لبتبقى عارف ده ليه بيشتغل ولا بتبقي عارف ده ليه مش بيشتغل وازاي ده قاعد في البيت بالرغم من شطارته وتميزه وغيره معندوش موهبة أصلا وشغل نار.. هي صراحة مالهاش كتالوج".
 

واختتمت رانيا محمود ياسين منشورها وكتبت:"رحم الله سهام جلال واسكنها جنات نعيم نسألكم الدعاء لها".
 

وفاة الفنانة سهام جلال

رحلت الفنانة سهام جلال عن عالمنا صباح اليوم، بعد أن نقلت إلى العناية المركزة إثر مضاعفات صحية شديدة.

كانت تعاني من آلام بالظهر أدت إلى انسداد في الأوعية الدموية، ورغم تحذيرات الأطباء من صعوبة إجراء العملية الجراحية، أصرت على إجرائها تووفيت بعد ساعات من خروجها من غرفة العمليات نتيجة ضعف عضلة القلب.