إبراهيم حسن عن استبعاد مصطفى محمد: «ياما سامحنا في حاجات كتير»

أكد إبراهيم حسن، مدير منتخب مصر، أن الفوز على روسيا جاء من أجل إسعاد الجماهير المصرية قبل السفر للمشاركة في كأس العالم، مشددًا على أن الجهاز الفني يسعى لتقديم منتخب يليق باسم مصر.

وقال إبراهيم حسن في تصريحاته: "كنا عايزين نفرح الناس قبل ما نسافر كأس العالم، بطولة العاصمة دي بتاعتنا أصلًا وإحنا خسرناها قدام كرواتيا، وكنا زعلانين وكان لازم نكسبها”.

وأضاف: "الشعب المصري شعب طيب ويستاهل الفرحة وبيحبوا البلد، وإحنا عايزين نقدم حاجة تليق باسم بلدنا، وعندنا إصرار نعمل كل حاجة”.

وتابع:إحنا عمرنا ما بنظلم حد، إحنا بنعمل الصالح لبلدنا لأننا بنمثل اسم مصر، يعني إيه أظلم وأجامل؟ والله ما بنيجي على حد ولا بنشيل من حد، وياما سامحنا في حاجات كتير”.

واختتم تصريحاته قائلًا:“لسه عندنا أفكار ولعيبة هتيجي، وهندخل لعيبة ووجوه صغيرة وجديدة لو ربنا كرم وكملنا بعد كأس العالم، وبنوعد الجمهور إننا هنعمل اللي علينا، والتوفيق من عند ربنا، وعايزين نعمل تاريخ جديد”