علي ماهر: الأهلي ليه يتلكك على ضربة الجزاء!

أبدى علي ماهر، المدير الفني لفريق سيراميكا كليوباترا، رضاه عن أداء فريقه بعد التعادل أمام الأهلي، مؤكدًا أن فريقه قدم مباراة كبيرة واستحق الخروج بنتيجة إيجابية.

وقال ماهر في تصريحاته عقب اللقاء: “قدمنا مباراة قوية أمام فريق كبير بحجم الأهلي، وكل ما قيل قبل المباراة لم يشغلنا على الإطلاق، لأننا معتادون على الضغوط وكان لازم يكون ردنا داخل الملعب”.

وأضاف: “بشكر اللاعبين والجهاز الفني على المجهود الكبير، وكمان بشكر الناس اللي اتكلمت عني بشكل إيجابي قبل المباراة”.

وتابع: “اشتغلنا كويس جدًا على المباراة، وحفظنا اللاعبين، ومكنش فيه أي مفاجآت بالنسبة لنا”.

وعن الجدل التحكيمي، قال: “مش فاهم ليه الأهلي يتلكك على ضربة الجزاء، المفروض ده نادي كبير”.

واختتم تصريحاته قائلًا: “فين الفرص اللي اتعملت؟ مفيش فرص خطيرة، بالعكس إحنا اللي ضيعنا هدفين محققين، وربنا عادل في النهاية”