رسائل نارية من توروب بعد تعادل الأهلي مع سيراميكا

أعرب توروب، المدير الفني للأهلي، عن حزنه بعد تعادل فريقه أمام سيراميكا كليوباترا، مؤكدًا أن الفريق أهدر نقطتين ثمينتين في سباق الدوري.

وقال توروب في تصريحاته عقب المباراة: “شيء صعب جدًا إننا نخسر نقطتين، خاصة في توقيت مهم من عمر المنافسة”.

وأضاف: “ممكن نرجع لآخر لقطة في المباراة ونتكلم عن ضربة الجزاء اللي ما اتحسبتش، أنا شوفتها تاني والفيديو واضح جدًا، إيد اللاعب أوقفت الكرة بشكل صريح، وكانت ضربة جزاء صحيحة”.

وتابع: “ممكن يكون فيه عذر لو المسافة قريبة، لكن الكرة كانت من حوالي 20 متر، وده بيؤكد أحقية الأهلي في ركلة جزاء”.

وأكمل: “متفهم جدًا إحباط اللاعبين، لأننا كنا بنتكلم قبل المباراة عن أهمية التفاصيل الصغيرة اللي بتحسم المباريات”.

وانتقد المدير الفني حالة أرضية الملعب، قائلًا: “مش قادر أفهم إننا بنلعب في الدوري المصري بالشكل ده من أرضية الملاعب، لازم يكون فيه وقفة حقيقية لحل الأزمة دي”.

واختتم تصريحاته: “كل واحد له حرية رأيه، لكن أنا من أول يوم قولت إن هدفي تحقيق بطولات، صحيح خرجنا من أفريقيا وبعتذر عن ده، لكن لسه عندنا أمل في الدوري رغم صعوبة المباريات الخمسة المتبقية”