لو الفن حرام مش هسيبه.. مي القاضي تثير الجدل بتصريحات نارية عن الاعتزال

أثارت الفنانة مي القاضي الجدل بتصريحاتها على حرمانية الفن مؤكدة أنها لن تتركه مهما حدث حتى و أن تم تحريمه، خاصة أنها عاشقة لمهنة التمثيل والأمر ليس هواية بالنسبة لها. 

مي القاضي تكشف عن رأيها في اعتزال الفن

وقالت مي القاضي خلال لقاء تليفزيوني: معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟، أنا بحبه ومش شايفة إنه حاجة غلط، ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام مفكرتش أعتزل وارتدي الحجاب.

وأضافت: بشوف اللي عملوا كده خطوة كويسة، وعايزين يقربوا من ربنا بعد مشوار، وأنا لسه في حاجات كتير نفسي أعملها لسة مشبعتش من التمثيل.

وأردفت مي القاضي: لو الفن حرام مش هسيبه عشان أنا بحبه، لازم أكون مقتنعة ومافيش حاجة غلط بعملها، أو اقتنع بكلام اللي بيتكلم، شايفة إن الدنيا أبسط من كده بكتير، الدين عايزنا منكدبش ولا نسرق، وفيه ناس قافلين على نفسهم مبيخرجوش ولا بيسمعوا أغاني، مبحبش أبقى كده مبحبش التطرف.