علاء ميهوب يفتح النار على مسؤولي الأهلي

فتح علاء ميهوب، نجم النادي الأهلي السابق، النار على مسؤولي القلعة الحمراء، بسبب الصفقات التي تم تدعيم بها الفريق الأول لكرة القدم في الميركاتو الشتوي.

وقال ميهوب في تصريحات إذاعية عبر راديو "أون سبورت": "لعيب النادي الأهلي اللي تتفرج عليه وتجيبه لازم يبقي له مواصفات، لما تجيب لعيب للنادي الأهلي ويمشي وميلعبش يبقي أنت اللي غلطان وبناء عليه اللي جاب اللاعيبة دي هو اللي غلطان، مين اللي جاب كامويش دا وشاف فيه إيه".

وأضاف: "أنا زهقت من الكلام ده، المفروض لما تجيب صفقة تشوفها قبلها وتتخيله وسط لاعيبة الأهلي وتقول الله، بس هو دا، الموضوع مختلف تماما لازم تقف وتقول هو دا ينفع للأهلي ولا لا؟".

وواصل: "كل اللي جه ومشي بصراحة مينفعش يلعب في الأهلي، يعني لما تروح تجيب كامويش دا أنت شوفت فيه إيه؟ وسام لما جه أنت شوفت فيه إيه، دا من أول ماتش هو دا المهاجم الصح".

واختتم: "عارف لما تتفرج على وسام وأزارو تحس مليون في المائة فيهم نفس الحاجات، وسام يفرق في السرعة والتحرك، هما مهاجمين حط دول قدامك وهات زيهم".