محمد إبراهيم: «فطرت في رمضان مع الزمالك»

كشف محمد إبراهيم، نجم نادي الزمالك السابق والبنك الأهلي الحالي، عن ذكرياته في المباريات خلال شهر رمضان.

وقال محمد إبراهيم، في تصريحات عبر إذاعة "أون سبورت إف إم": "مصومتش في مباراة مازيمبي الكونغولي، لأني مكنتش هقدر، كان عندي 18 سنة ولكن مقدرتش أصوم".

وأضاف: "مفيش حد من الجهاز الفني بيجبر أي لاعب إنه يصوم أو لأ، بيكون قرار استشاري بس، لعبت وأنا صغير في نهار رمضان، وكنت بصوم وعمري ما فطرت، وكان بيجيلي طاقة كبيرة جدًا لما بتمرن قبل الفطار".

وأتم: "لو كنت فطرت في أي ماتش في رمضان فأنا ندمان، ولو رجع بيا الزمن مستحيل أفطر تاني."