بعد إنفراد «تفصيلة».. طلب عاجل من الأهلي لرابطة الأندية بسبب أزمة مباراة بتروجت

علق وليد صلاح الدين مدير الكرة بالفريق الأول لكرة القدم بالنادي الأهلي، على تواجد عدد كبير من المصورين في لقاءات الدوري، ووجه طلبًا للمسؤولين في رابطة الأندية المصرية، المنوطة بتنظيم المسابقة.

وشهدت مباراة الأهلي مع نظيره بتروجت في الدوري المصري، اشتباكات بين عدد من لاعبي الأحمر ومصور فيديو وتحديدًا بعد نهاية المباراة بالتعادل الإيجابي.

وقال وليد صلاح الدين في مداخلة تليفونية عبر قناة النادي الرسمية: «مفيش أي دوري في العالم بيدخل فيه حوالي 40 أو 50 شخص بيصوروا صوت وصورة جوه بوق اللاعيبة والأجهزة الفنية دا مبيحصلش في أي حتة في العالم».

وتابع: «محدش يدخل بموبايله في أرض الملعب غير القنوات الرسمية ويكون معاها كاميرا رسمية، مش منطقي خالص اللي بيحصل دا وعايزين نشوف حل اللاعيبة بتبقي متعصبة، سواء مع الخصم أو لاعب مع زميله أو غيره، دا لازم نشوفله حل وصعب جدا وانت خارج ومطلوب منك متتكلمش مع حد، دا تعدي على الحقوق الشخصية».
جاءت تصريحات المدير الرياضي عقب كشف «تفصيلة»، كواليس واقعة التصوير المثيرة في مباراة الأهلي وبتروجت، والتي شهدت مشادة بين بعض لاعبي الأهلي وعدد من المصورين داخل ملعب الكلية الحربية، قبل تدخل المركز الإعلامي لاحتواء الموقف سريعًا.