إبراهيم حسن يهاجم منتقدي التوأم: «خايفين من نجاحنا»

أكد إبراهيم حسن، مدير المنتخب الوطني، أن هناك من كان يخشى تأهل منتخب مصر إلى كأس العالم والمشاركة في كأس الأمم الإفريقية، بسبب معرفة هؤلاء بشخصية الجهاز الفني الحالي بقيادة حسام وإبراهيم حسن.

وقال إبراهيم حسن في تصريحات عبر قناة «أون سبورت 1»: «في ناس كانوا خايفين نوصل كأس العالم ونشارك في كأس الأمم، لأنهم عارفين إننا بنشتغل بضمير وبنحقق النجاح بتعبنا ومجهودنا، وده مضايقهم لأنهم بيكرهوا التوأم والمنتخب».

وأضاف: «إحنا عندنا خبرات أكبر من الناس دي، في ناس كانت لسه ما اتولدتش وقت ما كنا إحنا أسماء كبيرة في الكرة المصرية، ودلوقتي بيحاولوا يقربوا من اللي قدمناه زمان».

واختتم مدير المنتخب تصريحاته مؤكدًا: «إحنا بنحب ننجح وقلبنا متعلق بمصر، وكل ما نسمع اسم بلدنا بيتشد الواحد وبيعلى ضغطه من الحماس، إحنا كده بطبيعتنا.. بنحب مصر بجد مش تمثيل، ومش بنعرف ننافق، دايمًا واضحين وصادقين».