وفاء عامر ترد على شائعة الاتجار بالأعضاء: حملة ممنهجة لتشويه سمعتي

خرجت الفنانة وفاء عامر عن صمتها للرد على الاتهامات التي طالتها مؤخرًا عبر مواقع التواصل الاجتماعي، والتي زعمت تورطها في قضايا الاتجار بالأعضاء البشرية، ووصفت تلك الادعاءات بأنها حملة ممنهجة تهدف إلى تشويه صورتها والنيل من اسمها دون وجه حق.

ونشرت وفاء عامر صورة لها عبر حسابها الرسمي على "فيسبوك"، وعلقت قائلة: "ربنا مش بس بيقف مع المظلوم.. ده بينتقم له في الوقت الصح وبالطريقة الصح".

وفاء عامر: دي حملة استهداف للقوى الناعمة في مصر

وفي مداخلة هاتفية مع برنامج "الستات" على قناة "النهار"، أعربت وفاء عن استيائها الشديد من تلك الشائعات، قائلة: "الست دي اختارت أكبر نجمة على تيك توك، وأنا فعلاً من الأكثر متابعة على المنصة، ومع ذلك مش بظهر كتير، إلا لو فيه حالة إنسانية حقيقية محتاجة دعم، زي حالة الطفل علي محمد دوشين، اللي علاجه مش متوفر في مصر وتكلفته 150 مليون جنيه، وبنطرق كل الأبواب تحت رعاية وزارة التضامن، يعني مش لمصلحتي الشخصية".

وأضافت: "اللي بيحصل ده استهداف للقوى الناعمة في مصر، لكن إحنا عندنا نقابات قوية ونقيب فنانين ما بيسكتش على الظلم، ومحدش هيقدر يسكتنا غير بالموت".

رسالة مباشرة لإيمان الطوخي: اخرجي عن صمتك وقولي الحقيقة

ووجهت وفاء عامر رسالة للفنانة المعتزلة إيمان الطوخي، مطالبة إياها بالتحدث علنًا لوضع حد للشائعات، قائلة: "ليه كل الصمت ده من إيمان الطوخي؟! لازم تطلع تتكلم وتقول مش بنتي، حتى لو هي معتزلة أو محجبة، لأنها قضية رأي عام ولازم الناس تعرف الحقيقة".

وأكدت وفاء أنها لن تتواصل مع إيمان الطوخي بشكل شخصي، مشددة على أن القضية أصبحت في يد الرأي العام، وأثارت جدلًا واسعًا خلال الأيام الأخيرة.

وفاء عامر: مش هسيب حقي… وورا الحملة دي ناس وأنا هجيبهم

اختتمت وفاء عامر حديثها برسالة حاسمة، قائلة: "أنا ست قوية وعنيدة، ومبنامش غير لما آخد حقي، ولو اللي قدامي ضعيف بسامحه، لكن الحالة دي وراها ناس وأنا هجيب كل اللي وراها".

وأضافت: "بلدنا قوية، والنائب العام قوي، وأنا بتحدى أي حد يثبت إن الست دي بنت الرئيس الأسبق حسني مبارك، إحنا ماعندناش الكلام ده".

واختتمت بقولها: "أنا ست مصرية حرة، زوجة راجل محترم، وبنت راجل جدع، وعيلتي فيها رجالة، وما طلبتش من حد يدافع عني، عشان لما يتقال حاجة يتقال إني دافعت عن نفسي بإيدي".