رغم وفاة والدها.. همس سيد تحصد المركز الخامس على الجمهورية بـ316.5 درجة

حصلت الطالبة همس سيد سعد على المركز الخامس على مستوى الجمهورية في شعبة علمي علوم، بمجموع 316.5 درجة في الثانوية العامة، متجاوزة ظروفًا شخصية صعبة وتحديات نفسية.

وقالت همس في تصريحات خاصة لـ"تفصيلة": "الحمد لله، حصلت على المركز ده بفضل ربنا عليّ أولًا، ثم بتنظيم وقتي؛ كنت دايمًا بحاول أوازن بين المذاكرة والراحة، ومكنش يومي كله مذاكرة، بالعكس، كنت بخرج مع صحابي أغيّر جو، وده ساعدني أخرج من حالة التوتر".
 

وأضافت: "أنا بميل للمجال الطبي جدًا، وكنت دايمًا شايفة نفسي دكتورة في المستقبل.. لكن بصراحة مكنتش متوقعة أوصل لترتيب ضمن أوائل الجمهورية، خاصة بعد ما مريت بمرحلة صعبة جدًا في بداية السنة بعد وفاة والدي، وبإذن الله هو مبسوط بيا النهاردة".

واختتمت حديثها بتقديرها للمدرسين قائلة: "كانوا سند كبير ليا، ساعدوني كتير، سواء في المذاكرة أو بالدعم النفسي، والحمد لله ربنا كلّل مجهودي وتعبهم بالنجاح".