أحمد سعد: "الناس مش بتحب الفضايح بس احنا اللي بنصدرها"
عبر الفنان أحمد سعد عن امتنانه للنجاح الكبير الذي يعيشه مؤخرًا، مؤكدًا أن التحول الحقيقي في حياته الفنية والإنسانية بدأ عندما قرر أن يكون صادقا مع نفسه ومع جمهوره.
وقال أحمد سعد في تصريحات صحفية: "غنيت كثير وحققت إنجازات كتير، لكن ربنا مكرمنيش بجد إلا لما بقيت حقيقي الناس بقت تفهم وتصدق مين اللي حقيقي ومين اللي بيجامل".
عن احتفاله بعيد ميلاد زوجته على المسرح، أوضح أحمد سعد قائلا: "بحب أوصل رسائل حب للناس".
وخلال حفله الأخير ضمن فعاليات مهرجان مراسي، فاجأ أحمد سعد جمهوره باحتفال عفوي على المسرح بعيد ميلاد زوجته علياء بسيوني، حيث عبر عن مشاعره قائلًا: "احتفلت بمراتي قدام الناس لأني حبيت أعبر عن حبي ليها، وحبيت أوصل طاقة حلوة، وأشارك الناس الحب اللي في حياتي".
أحمد سعد: "ليه الفضايح بس اللي بتتصدر"
وعن الانتقادات المتكررة على تركيز الإعلام ومواقع التواصل على الأخبار السلبية فقط، علّق الفنان قائلاً: "ليه دايمًا الحاجات الوحشة هي اللي بتتصدر؟ ليه أخبار الانفصال هي اللي بتنتشر؟ الناس مش بتحب الفضايح بس، لكن إحنا اللي بنفضل نقدملهم النوعية دي من المحتوى".
وتحدث أحمد سعد أيضا عن ظاهرة تصدره التريند بشكل متكرر، خصوصا بعد ظهوره المتكرر بإطلالات تثير الجدل، مؤكدًا أنه لا يسعى للتريند إطلاقا، وأن كل ما يحدث يتم تلقائيًا دون تخطيط.
وقال مازحًا: "أنا بنزل من التريند ساعتين بس في اليوم.. ومفيش حاجة اسمها بعمل تريند أنا ماشي في حياتي بشكل عادي، وكل حاجة بتحصل صدفة".
