حلا شيحة ترد على شائعات تصريحاتها عن زواجها من معز مسعود
نفت الفنانة حلا شيحة صحة التصريحات التي تم تداولها مؤخرًا، والتي نُسبت إليها، وتزعم أنها وصفت فترة زواجها من معز مسعود بأنها كانت الأصعب في حياتها، وأكدت أن هذا الكلام غير صحيح ولم يصدر عنها.
وكتبت حلا عبر خاصية القصص المصورة على حسابها الرسمي بموقع إنستجرام: “مش عارفة إيه الكلام ده ومين اللي نشره على لساني؟! ياريت اللي يكتب خبر يتحرى الدقة كويس قبل ما يكتب أي حاجة عني.. أنا مقلتش الكلام ده نهائي”.
تصريحات حلا شيحة عن زواجها السابق
في وقت سابق، تحدثت حلا شيحة عن زيجتها الثانية وتجربتها بعد الطلاق، وأشارت إلى أنها مرت بحالة نفسية صعبة، أثرت عليها بشكل كبير، وأثارت لديها مشاعر سلبية تجاه نفسها وتجاه علاقتها بربنا، قبل أن تتجاوز تلك المرحلة.
وخلال مقطع فيديو عبر قناتها الرسمية على يوتيوب، قالت: “لما لبست الحجاب المرة اللي فاتت ومكنتش عارفة أكمل فيه لأن حصلتلي لغبطة الجواز والطلاق اللي كنت فاكرة إن الزيجة دي هتكون عونا لي على حياة أفضل، وأي ست من حقها تتجوز ومن حقها إيه المناسب ليها لو ده هيساعدها إنها تقرب من ربنا وده اللي ربنا أمرنا بيه، ولما لقيت الموضوع ده مش صح ومش متظبط وفيه حاجة غلط كانت الصدمة صدمتين لأني حساسة جدًا وبتأثر أوي وبتعب نفسيًا”.
وأضافت: “رد فعلي بعد الطلاق الأولاني كان صعب وكنت بسمع كلام كتير إن لما حد عنده أولاد ومبيبقاش عايز يتطلق ولكنه بيمشي وهو متضطر بيبقى عنده تروما ورد الفعل بيغير كيمية دماغه، فأنا حاسة إن ده اللي حصللي، حاجة اتغيرت جوايا من كتر الألم اللي كنت فيه، حصللي حالة غضب وكنت بقول يا رب أنا زعلانة منك، أنا سيبت كل حاجة وجيتلك يا رب أنت ليه مش واقف جنبي، طبعًا ده كان غلط مني ولكن ده كان غضب وكنت حاسة إني بنتقم من جوايا من حلا، ودي مش الصورة اللي اتربيت عليها من طاعة وقرب من ربنا، وزعلت من نفسي فبقيت أحس إن أنا فعلًا في حاجة من جوايا مش مظبوطة”.
