اتولد في زامورا.. ميدو يواسي شيكابالا برسالة خاصة

وجه أحمد حسام ميدو أسطورة نادي الزمالك ومنتخب مصر السابق، رسالة وداع مؤثرة لـ محمود عبد الرازق شيكابالا الذي اتخذ قرارا باعتزال كرة القدم بعد بلوغه الـ 39 عاما.

ماذا قال ميدو بعد اعتزال شيكابالا ؟

وكتب ميدو عبر حسابه الرسمي بـ "X":"شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بالموهبة الفطرية، ومعاها قلب طيب زي معظم أهلنا في أسوان".

وأضاف:"محمود عبد الرازق أعرفه كويس جدا، صاحب جدع وراجل من صغره، ولما اتزاملت معاه في الملعب كان قيمة فنية نادر أنك تقابلها في الملاعب المصرية، ولما دربته سواء في الزمالك أو الإسماعيلي، كان لاعب فذ يقدر يقلب أي ماتش.

وواصل:" شيكابالا أتولد في مدرجات حلمي زامورا، وأتولد وعاش جوة نادي الزمالك واختار أنه يكون أسطورة، على مدار ٣٠ سنة لعب كورة في قطاع الناشئين والفريق الأول، وكما طريقه لحد ما أصبح كابتن تاريخي لنادي الزمالك.موهبة شيكابالا كانت تؤهله يلعب في أكبر أندية العالم، لكن حتى لما في بعض الأوقات الحظ مكنش بيقف معاه والظروف تعانده، كان بيرجع لبيته الزمالك عشان يكمل معاه رحلته، ويفضل هو روح الزمالك".

وتابع:"في أوقات كتير كان الفريق مش في أحسن حالاته بس شيكابالا شايل الزمالك على كتفه، وحتى لما جة لاعيبة كويسة في وقت تاني، كان شيكابالا موجود كابتن بروح ميت عقبة بيدلهم على طريق البطولات ومنصات التتويج.ودلوقتي بعد ما قرر يعلق حذاءه، ويحرمنا من متعة الفرجة على سحره في الملعب، مكانه الطبيعي الرجوع لمدرج التالتة يمين، ويتكتب أسمه بحروف من نور وسط أساطير الزمالك الكبار".
واختتم:"رحلتك دلوقتي كادر مميز للزمالك والبداية بردوا من المدرج زي ما بدأت من ٣٠ سنة يا ساحر.

حجب قميص شيكا

وقرر مجلس إدارة نادي الزمالك برئاسة الكابتن حسين لبيب بالتنسيق مع جون إدوارد المدير الرياضي للفريق ، حجب القميص رقم 10 في الموسم المقبل، والذي كان يرتديه محمود عبد الرازق"شيكابالا" قائد الفريق، بعدما أعلن اللاعب اعتزاله لكرة القدم.
 

أرقام شيكابالا في مشواره الكروي

خاض شيكابالا 486 مباراة رسمية في جميع البطولات، بواقع 29963 دقيقة. 
الفهد الأسمر سجل خلالها 91 هدفا وقدم 110 تمريرة حاسمة، وتلقى 35 بطاقة صفراء وبطاقتين حمراء. 
معظم مساهمات شيكابالا كانت مع الزمالك، حيث سجل 70 وصنع 89 في 396 مباراة في جميع البطولات. 
ومع منتخب مصر الأول خاض شيكابالا 32 مباراة سجل خلالها هدفين، ومثل الفراعنة في كأس العالم روسيا 2018.