رغم إقامتها 14 عامًا في مصر.. صافيناز: لم أحصل على الجنسية بعد

كشفت الراقصة صافيناز عن رغبتها الشديدة في الحصول على الجنسية المصرية، مؤكدة أنها تعيش في مصر منذ أكثر من 14 عامًا، وتلتزم بكافة القوانين وتدفع الضرائب المستحقة عليها، لكنها لم تنجح حتى الآن في تحقيق هذه الأمنية.

وقالت الراقصة صافيناز في تصريحات صحفية: "أنا مش معايا الجنسية المصرية، ونفسي آخذها وبحلم بيها، بس لازم أكون متجوزة مصري وأنا متجوزتش، ومش هعمل زي البنات اللي عملوا جواز فيك علشان ياخدوا الجنسية، كل اللي معاهم الجنسية اتجوزا فيك".

وأضافت الراقصة صافيناز: "أنا بقالي 14 سنة عايشة في مصر، ملتزمة بالقانون وبدفع الضرائب، لكن مفيش أمل غير إني أتجوز واحد مصري".

صافيناز "متقارنونيش بالريكلام"

وفي سياق آخر، أعربت الراقصة صافيناز عن استيائها من تشبيهها ببعض الراقصات اللاتي يظهرن في الحفلات بالساحل الشمالي، ووصفت بعضهن بـ"الريكلام"، مؤكدة أن ما يفعلنه لا يمت بصلة إلى الرقص الشرقي المحترف.

وقالت الراقصة صافيناز في تصريحاتها: "الراقصة لازم تاخد بالها من لبسها، واللبس يكون مريح ومحتشم.. دلوقتي أي واحدة معاها 500 جنيه، بتجيب بدلة رقص وتروح الساحل تبقى راقصة.. وبيقولوا بعد كده إن الراقصات غالية! لا، معلش، متقارنوش الناس المحترمة بالـ أي كلام".