كريم محمود عبد العزيز عن بناته كندة وخديجة وحبيبة : بيزعقولي

تحدث الفنان كريم محمود عبد العزيز عن علاقته ببناته "كندة وخديجة وحبيبة" وكيف يتعامل معهن في الأماكن العامة، قائلا:" بتعامل معاهم باللي جوايا، لو جوايا عيل صغير هتبسط همشي اتنطط وألعب، هما بقى واحدة منهم ممكن تقولي بس لأنها فاهمة أني فنان بس أنا مش هاممني عايز اتبسط ولازم تشوفني في الحالة دي عشان تفهمني، مش هبقى الأب اللي هقولها يلا عشان نمشي دلوقتي، لأ يلا نلعب ويلا ننبسط".

بيزعقولي بس مش بقلة أدب

وأضاف  كريم محمود عبد العزيز خلال تصريحات تلفزيونية قائلا: "بيزعقولي بس مش بقلة أدب بهزار، وأنا كنت هسمي بنتي "كندة" اسم "حبيبة" وأبويا عجبه الاسم، وبعدين لما جت التالتة بقى مش عارفين نسميها إيه قلت ما نسميها "حبيبة" وكان أبويا اتوفى وكنا اخترناه مع بعض، وكان من ضمن الحاجات إنه كان إفيه بيني وبين أصحابي عشان كنت بقلد أستاذ عادل إمام في فيلم "عريس من جهة أمنية" بنته حلا شيحة كانت طالعه باسم "حبيبة" وبيقولها "كل سنة وأنتي طيبة يا بيبا" ، كان بالنسبالي إني هضحك في البيت بس الإفيه خلص من بدري وبقى اسم وخلاص مفيش إفيه".