أحمد موسى: لو 30 يونيو فشلت كنا كلنا اتدبحنا ودخلنا السجن

أكد الإعلامي أحمد موسى، أن الرئيس عبد الفتاح السيسي يضع مصلحة الشعب المصري والدولة في مقدمة أولوياته، مشددًا على أن دعم الرئيس يجب أن يكون في الأساس دعمًا لمصر ومؤسساتها.

وقال أحمد موسى، خلال تقديم برنامج «على مسئوليتي» المذاع على قناة «صدى البلد»، إن الرئيس السيسي قدم الكثير من أجل الدولة والمواطنين، ولا يسعى إلى تحقيق مكاسب شخصية، مستشهدًا بتأكيده المستمر أن الأولوية يجب أن تكون لمصر.

وأضاف موسى نقلًا عن الرئيس: «الرئيس السيسي عمل كل خير للناس والبلد ومش عايز حاجة، ودائمًا يقولك مصر ميهمنيش أنا، عايزين تقفوا أقفوا مع مصر مش معايا».

وأضاف: «الرئيس السيسي يرى الشعب هو الأساس في كل شيء، الرئيس السيسي مش محتاج دعم حد، دعمنا كلنا في صالح مصر».

وأوضح: «شهر يناير 2013، كان محمد مرسي الجاسوس بيحكم وعمل حظر تجوال في مدن القناة، وأهلنا في بورسعيد كانوا بيلعبوا كورة، واللي بيلعب معاهم كانوا أبطال».

وتابع: «وساعتها كانت الإخوان بتعمل إعلان دستوري محمد مرسي، إنه يعدم أي حد ويعمل أي حاجة، والمواطن بالنسبة للإخوان مش موجود، هو عنده التنظيم وولاؤه للتنظيم، ومفيش واحد إخواني ليه ولاء لمصر، كل ولائه للتنظيم، ومرسي بالنسبة للإخوان ولا حاجة، الأهم كان محمد بديع وغيره، بيقولوا لأي حد من عناصرهم روح فجر نفسك واقتل، لكن محمد مرسي مكنش يعرف حاجة، كانوا بيقولوله اعمل يعمل، كانت كل حاجة من مكتب الإرشاد، ده كان راجل غلبان وراح لحاله».

واختتم الإعلامي أحمد موسى: «الرئيس السيسي استجاب للشعب المصري في 30 يونيو، ولو 30/6 فشلت كنا كلنا اتدبحنا ودخلنا السجن، التنظيم ملوش دين، وقالوا لو رجعنا مش هتبقى زي اللي كانت، هتبقى مسلحة».