جبيلي بعد إحالة متهمي كارثة أكتوبر: التحقيقات كشفت الإهمال

علق الدكتور أحمد جبيلي على إحالة المتهمين في قضية خط الغاز بـ6 أكتوبر على طريق الواحات، والتي أودت بحياة 8 ضحايا أبرياء وأصابت العشرات، بأن التحقيقات أثبتت أن الإهمال وعدم التنسيق مع شركات الغاز كان السبب الرئيسي في الكارثة.

جاء ذلك في تصريحاته التي قال فيها: "الموضوع مش بس محاكمة.. دي رسالة، يعني لو كنت مقاول أو عامل حفر، متحفرش من غير ما تتأكد 100% من أماكن خطوط الغاز والكهرباء، ولو كنت مسؤول، متسيبش موقع فيه خطر من غير لافتات تحذيرية أو إجراءات أمان، لأن الغلطة الواحدة ممكن تاخد أرواح ناس ملهمش ذنب، وتخلي أسر كاملة تبكي العمر كله".

وواصل حديثه: "الضحايا دول مش أرقام.. دول أولاد ناس، وعيال، وزوجات، وكل واحد فيهم كان عنده حلم ومسيرة انتهت في لحظة، والحكومة بتتحرك، والمتهمين هيتحاسبوا، لكن الموت مالوش تعويض".

ووجّه رسالة لأهالي الضحايا قائلًا: "من قلبي لأهالي الضحايا.. ربنا يصبّركم ويحفظكم، واللي راح مش هيتنسي، وللمصابين، ربنا يشفيكم ويعوضكم خير؛ وللمسؤولين والمقاولين: كفاية استهتار.. السلامة مش رفاهية، والدم مش لعبة".

واختتم حديثه بالتأكيد على أن: "العدالة هتمشي، لكن الأهم من المحاكمة.. إننا نتعلّم من الكارثة دي عشان ما تتكرّرش".