بعد 403 مباراة.. محمد هاني يكشف حلمه الجديد مع الأهلي

احتفل محمد هاني، قائد الفريق الأول لكرة القدم بالنادي الأهلي، بوصوله إلى 403 مباريات بقميص القلعة الحمراء، عقب مشاركته في مواجهة زد، التي أقيمت مساء اليوم الجمعة، ضمن منافسات الجولة الثانية من بطولة الدوري الممتاز.

وحقق الأهلي الفوز على زد بهدفين دون رد، في المباراة التي جمعتهما على استاد القاهرة الدولي، ليواصل الفريق مشواره في بطولة الدوري.

وكتب محمد هاني عبر حسابه الرسمي على منصة «إكس»، معبرًا عن سعادته بالوصول إلى 403 مباريات بقميص الأهلي: «من وأنا صغير كان حلم من أحلامي إني أشوف لاعيبة الأهلي وأبقى واحد منهم.. روحت النادي الأهلي وأنا عندي 9 سنين ومن ساعتها وأنا بحلم باللحظة دي

وأضاف: «وصلت للفريق الأول و كان نفسي بس العب ولو ماتش و احد و انهاردة أنا لعبت 403 ماتش وبقيت جزء من تاريخ النادي زي ماهو تاريخي كله».

وتابع:«كنت نفسي أحتفل معاكم بالإنجاز ده السنة اللي فاتت بس النتائج وقتها ماكنتش في صالحنا. النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها».

وواصل: «بس الحلم مابيوقفش هنا.. الهدف الجديد إني أوصل لـ500 ماتش في البيت اللي اتربيت فيه وأبقى أكتر لاعب في تاريخ النادي يحقق بطولات وأفضل أساعد الأهلي حتى لو بحاجة بسيطة».

وأستكمل: «شكرًا لجمهور الأهلي اللي كان دايمًا سند ليا وساعدني أوصل للحظة دي، وشكرًا لإدارة النادي على دعمها المستمر، وشكرًا لزمايلي.. من غيركم عمري ما كنت هأوصل للرقم ده».

وأتم:«403 ماتش.. ولسه الحكاية مكملة».