أحمد بحر: طول الوقت مش راضي عن اللي بعمله.. الفرصة بتيجي مرة واحدة ولازم استغلها

تحدث الفنان أحمد بحر، الشهير بـ«كزبرة»، خلال ظهوره في برنامج «معكم منى الشاذلي» مع الإعلامية منى الشاذلي، المذاع عبر شاشة ON، عن أوجه التشابه بين شخصيته الحقيقية ودوره في فيلمه الجديد «محمود التاني». 

تصريحات أحمد بحر 

وأوضح أحمد بحر أن شخصية محمود تشبهه في فكرة الشاب والمواطن البسيط، مضيفًا: "وطول الوقت هو مستني فرصة واحدة لأنه عارف إن مفيش فرص كتيرة هتجيله، والفرصة دي لما بتجيله خلاص مش هتيجي تاني، وعشان كده بيعمل أي حاجة عشان يستغلها صح".

وعن اجتهاده وشغفه بالتمثيل، قال: "أنا مش بعرف أتكلم عن نفسي قوي، وأقول قد إيه بتعب وبحب المهنة دي قوي، وعندي صراع مع نفسي إني مش عايز أثبت حاجة للناس، لكن عايز أثبت لنفسي".

تابع أحمد بحر:" طول الوقت حاسس إني مش راضي عن اللي أنا بعمله، أو معملتش اللي عليا، عشان كده بشتغل أكتر، وبحب المهنة دي بجد وبشتغل بكل ما عندي وكل طاقتي فيها، ومع الوقت الناس هتبتدي تفهم قد إيه أنا شخص بتعب، والوقت هيثبت وإن شاء الله خير".

أعمال أحمد بحر 

يعرض حاليا لـ أحمد بحر فيلم محمود التاني مع الفنان أحمد غزي، ويشارك في العمل كلا من: كارولين عزمي، تامر هجرس، جنا الأشقر، شريف خلوصي، العمل من إخراج عبد العزيز النجار، تأليف إياد نصار.