علي قدورة بعد أزمته الأخيرة: رسالتي لأي شاب اعمل الصح وأبعد عن الغلط.. وربنا وقفلي ولاد الحلال

تحدث مطرب المهرجانات المعتزل علي قدورة عن الأزمة المالية التي واجهها مؤخرا مؤكدا أن توكله على الله وثقته به كانا السبب في تخطي تلك الفترة الصعبة، كما وجه رسالة إلى الشباب دعاهم خلالها إلى التمسك بالسعي إلى الرزق الحلال والابتعاد عن أي طرق غير مشروعة.

فيديو علي قدورة 

وقال علي قدورة، في فيديو عبر حسابه الشخصي: الحمد لله على نعم ربنا وتقلب الحال من العسر لليسر في ثانية، طالما العبد واثق فيه ومؤمن وراضي. ربنا سخرلي جنوده في الأرض ووقفوا جانبي بدعم الناس المستمر، شكرًا ليكم وربنا يراضيكم.

وأضاف: ده مثال حي لأي حد كان بيعمل حاجة غلط وعاوز يتوكل على الله بالحلال، ودي رسالة لكل شاب إنه يعمل الصح ويبعد عن الغلط.

أزمة على قدورة 

وكان علي قدورة، مطرب المهرجانات المعتزل، قد كشف في وقت سابق عن معاناته من أزمة مادية يمر بها خلال الفترة الأخيرة، موضحًا أنه لم يحسم قراره بشأن العودة إلى تقديم أغاني المهرجانات بعد مرور ثلاث سنوات على اعتزاله، مشيرًا إلى أنه يعيش حالة من الحيرة والتخبط.

تصريحات علي قدورة 

وقال علي قدورة، في فيديو عبر حسابه على فيسبوك: عارف إن فيه ناس كتير هتشوف الفيديو ده وهيتكلموا وهيسألوا، بحكم إني حد على السوشيال ميديا مينفعش أكلم نفسي بس، أنا لحد دلوقتي ماخدتش أي قرار وربنا هو أعلم وأدرى باللي فيا، أنا حاولت ومحدش كلمني علشان أبطل علشان يكلمني علشان أرجع.