قضية فاطمة والعشيق.. «حليفة الشيطان» أقامت علاقات مع 3 رجال|انفراد

أثارت القضية المعروفة إعلاميا بـ«قضية فاطمة» حالة من الصدمة، بعدما كشفت التحقيقات عن اتهامات لزوجة وعشيقها بالتخطيط لقتل الزوج داخل منزل الزوجية، في واقعة شغلت الرأي العام بمحافظة الدقهلية.

وينفرد موقع «تفصيلة» بنشر تفاصيل جديدة من أوراق التحقيقات، تكشف للمرة الأولى كواليس ما جرى قبل ارتكاب الجريمة وبعدها.

نص اعترافات “فاطمة ”.. الزوجة

س منذ متى وانتي متزوجة بالمتوفى إلى رحمة مولاه السيد ع ح؟ج احنا متجوزين بقالنا حوالي ١٩ سنة تقريبا.

من وهل تعرفتي على ثمة أشخاص أخرين وأقمتي علاقة معهم؟ج أيوة محمد عماد إبراهيم أبو زاهر هو الثالث.

وهل نمى إلى علم زوجك المتوفي إلى رحمة مولاه قيامك بتلك الأفعال؟ج: لا هو معرفش غير محمد عماد ووقتها بدأت تحصل المشاكل ما بيننا.

س منذ متى وعلاقتك قائمة مع المتهم محمد عماد ابراهيم أبو زاهر؟ج: احنا بدأنا نتكلم من حوالي سنة بس أنا أعرفه من زمان علشان احنا جيران.

س وهل معرفتك بالمتهم محمد عماد ابراهيم أبو زاهر كانت لإقامة علاقة غير شرعية

ج  كنت بروح عندهم البيت علشان أمه صاحبتي وكنت بشوفه على طول في الأرض أو في البيت ومن حوالي سنة أمه كلمته من عندي من على التليفون وبعدها انا بدأت أتكلم معاه واتفقنا نبقى أصحاب وبعدها بحوالی شهر أو أکثر اعترفنا احنا الاثنين أننا عاوزين نقيم علاقة مع بعض.

س ومتى وكيف تقابلتم لأول مرة.

 ج: احنا تقابلنا أول مرة من حوالي 10 شهور أو أكثر وكانت أول مرة عندي في البيت اللي ساعتها جوزي سمع صوت في الأوضة اللي فيها الطيور ودخل عليا وضربني وأخد مني التليفون.

س  وهل أقمتي علاقة جنسية مع المتهم محمد عماد إبراهيم أبو زاهر انذاك؟ج  أيوة

س وكيف اكتشف زوجك المتوفي الى رحمة مولاه ذلك تحديدا؟

ج هو سمع صوت دوشة فمحمد جري من الباب اللي دخل منه وبعد كدة قابلت جوزي عند الباب ولما سألني مين اللي كان معاكي فضلت أحلفله إن مفيش حد كان معايا وإن أنا كنت بأكل الطيور وساعتها هو ضربني بالقلم وأخد مني الموبايل.

الشك في الزوجة اللعوب

س وهل تأكد زوجك من وجود ثمة اشخاص برفقتك أنذاك؟ج لا هو كان شاكك بس أخد التيليفون مني وضربني والموضوع خلص على كدة.

س وهل علم زوجك المتوفي إلى  رحمة مولاه بأن المتهم محمد عماد ابراهيم أبو زاهر على علاقة بك أنذاك؟ج لا هو مكنش يعرف.

س وهل استمرت علاقتك بالمتهم محمد عماد ابراهيم أبو زاهر عقب ذلك؟ج  أيوة

س وما هي كيفية تواصلك مع المتهم سالف الذكر على الرغم من تواجد هاتفك المحمول برفقة زوجك؟

ج انا كنت كاتبة رقم محمد في ورقة علشان كنت بمسح المكالمات اللي ما بيني وما بينه أول بأول، وكنت بكلمه لما جوزي أخد التليفون من على تليفون بنتي أو من على تليفون جوزي لما جوزي بيبقى مش في البيت وسايب التليفون، لحد ما صلحت تليفون قديم عندي واشتريتله شريحة من غير تسجيل بس الشركة سحبتها بعد حوالي شهرين، فرجعت أكلمه من على تليفون جوزي وبنتي، لحد ما محمد جابلي تليفون بشريحة ثانية من عنده لحد ما جوزي مسك التليفون ده معايا من حوالي 25 يوم ووداني عند أهلي، وساعتها كنت بكلمه من على تليفون اختي وساعات من على تليفون أبويا وبعدين لما رجعت البيت قولت لمحمد يجبلي تليفون بشريحة وجابهولي وده فضل معايا لحد يوم ما قتلنا جوزي.

س وأين يوجد ذلك الهاتف المحمول تحديدا؟ج انا معرفش انا لما طلعت الشقة رميته ومعرفش هو فين.

س وهل تقابلتي مع المتهم محمد عماد ابراهيم أبو زاهر لإقامة علاقة عقب أول مرة؟ج أيوة في أرض الذرة بتاعة جوزي وكنا بنتقابل في البيت عنده لما البيت بيبقى فاضي أو في أرض القطن اللي عند المقابر.