ياسمين عز تعليقًا على وفاة طفل السيارة: القصة مؤلمة جدًا

أعربت  الإعلامية ياسمين عز عن حزنها الشديد إزاء واقعة وفاة طفل يبلغ من العمر ثلاث سنوات بعد بقائه داخل سيارة والده لساعات طويلة، واصفة الحادث بأنه من أكثر الوقائع إيلامًا التي يصعب استيعابها قائلة:" البقاء لله.. القصة مؤلمة جدًا، ومقدرة حجم الوجع اللي عايشينه الأب والأم بعد فقدان ابنهم، وخسارة طفل بالطريقة دي صدمة كبيرة وقاسية جدًا وصعب أي حد يتخيلها".

وقالت خلال حلقة برنامج «كلام الناس» المذاع عبر شاشة «MBC مصر»: «عندنا كم من الحزن مش ممكن بسبب وفاة الطفل حمزة.. ربنا يرحمه».

وأضافت الإعلامية ياسمين : «في أب نسي ابنه اللي عنده 3 سنين في العربية لمدة سبع ساعات لحد ما الطفل مات، قصة حزينة جدًا، اللي حصل إن الأب سهر علشان يشوف ماتش مصر ونيوزيلندا، والصبح أخد ابنه علشان يوصله الحضانة، وبعدها راح شغله وركن العربية وقفلها على ابنه اللي كان نايم. أنا مش فاهمة.. نسيته ماشي، لكن إزاي عينك ملحمتش الطفل اللي نايم؟».

التقرير الطبي

وتابعت الإعلامية ياسمين: «الطفل فضل كده لحد ما والدته سألت والده عنه، وفجأة افتكر ونزل جري، لكنه وجده متوفيًا داخل السيارة بدل ما يروح الحضانة ويلعب. كان نفسي أكون قاسية على الأب والأم، لكن هما فاقدين ابنهم وقلبهم واجعهم عليه».

مفيش حاجة تخلي شخص ينسى ابنه

وأشارت الإعلامية ياسمين إلى أن التقرير الطبي أكد أن الطفل وصل متوفيًا نتيجة تعرضه لدرجات حرارة مرتفعة لفترة طويلة، قائلة: «مفيش حاجة تخلي شخص ينسى ابنه، ورأيي الشخصي إني لأول مرة أسمع إن أب نسي ابنه في العربية. العربية كلها قد إيه؟ وإزاي بجد أي راجل بيبص على العربية وما يشوفش ابنه؟».

وطرحت الإعلامية ياسمين عز، تساؤلًا بشأن دور الأم في متابعة وصول الطفل إلى الحضانة، موضحة: «عندي سؤال مهم جدًا للأم.. ليه استنتِ الحضانة تبلغني إن الطفل راح؟ ليه ما تأكدتيش إنه وصل؟ يعني لو كلمتِ الحضانة كانت هتعرف بدري وتقول لأبوه ونلحقه. لكن إزاي أبقى أم 3 ساعات مش عارفة ابني فين؟».