نجم الأهلي السابق يفتح النار على الحضري: «الفلوس غيرته»

فتح سمير كمونة، نجم الأهلي السابق النار، على عصام الحضري، حارس مرمى الأهلي ومنتخب مصر السابق،، مؤكدًا أنه كان من أقرب الأشخاص إليه سواء على المستوى الرياضي أو الأسري.

وقال كمونة، في تصريحات إعلامية: “عصام الحضري كان أقرب واحد ليا في حياتي، كنا قريبين جدًا على المستوى الأسري، وكل يوم تقريبًا ناكل مع بعض ونخرج ونسافر، وكنا ساكنين جنب بعض”.

سمير كمونة يكشف أسباب خلافه مع عصام الحضري

وأضاف: “هو تغير مش أنا، وبعد ما رجعت للنادي الأهلي علاقتنا ما بقتش زي الأول، بقى فيه بعد كبير بينا، ومبقاش فيه غير مكالمات خفيفة في الأعياد والمناسبات”.

وأشار كمونة إلى أنه لا يحمل أي غضب تجاه الحضري، لكنه يشعر بالحزن بسبب تغير العلاقة بينهما، قائلًا: “هو حر، لكن أنا ما بحبش إن واحد ربنا يكرمه وينسى زملاءه أو الناس اللي كانوا واقفين جنبه، ودي حاجة بتزعلني”.

وواصل: «عصام الحضري، اتغير مع زملائه القدامي، خلاص هو حر مع السلامة».

واختتم نجم الأهلي السابق تصريحاته قائلًا: “أنا مش زعلان من عصام الحضري، لكن كنا قريبين جدًا، وبعد كده هو اختار طريق مختلف، وربنا يوفقه”