رد فعل طبيعي.. أول تعليق من شقيق المتهمين في واقعة رش المياه على المصلين

كشف يسري خطاب، شقيق أحد المتهمين في واقعة إلقاء أكياس مياه على المواطنين عقب صلاة عيد الفطر بمنطقة النزهة بالقاهرة، تفاصيل جديدة حول الواقعة التي أثارت الجدل خلال الساعا الماضية.

وقال يسري في فيديو عبر صفحته الشخصية بموقع إنستجرام: إحنا بقالنا 6 سنين بنعمل نفس الحاجة، وبنوزع فلوس كل عيد، لكن السنة دي الناس ركبت فوق العربية، وكنا بنرمي المية على العربية علشان الناس تبعد بعد ما كلمناهم بهدوء.

وأضاف في واقعة إلقاء أكياس مياه على المواطنين عقب صلاة عيد الفطر بمنطقة النزهة بالقاهرة: الناس استنتنا، وخدنا بالنا إن السنة اللي فاتت برضه كانوا واقفين فوق العربية، والكبوت باظ واتصرف عليه فلوس كتير، واستعوضنا ربنا.. وإحنا دايمًا لما بنحط البالونات بنحط فلوس في الأكياس.

وتابع: “المرة دي لما شفنا الناس راكبة على الكبوت، نزلنا وكلمناهم بالذوق وطلبنا منهم يبعدوا، لكن لما طلعنا تاني اتفاجئنا إنهم رجعوا ركبوا مرة تانية، فاضطرينا نرمي الأكياس على العربية”.

وأشار إلى أن الأمور تطورت، قائلًا: بعض الشباب بدأ يعمل حركات غير أخلاقية، وإخواتي البنات بدأوا يرموا أكياس علشان كانوا بيتعرضوا لتحرش لفظي.