«منتجاتهم بتبوظ بسرعة».. من يحمي المستهلك من شركة B.TECH بعد الشكاوى المتكررة

تزايدت الشكاوى مؤخراً من العملاء حول تجربتهم مع شركة B.TECH، بسبب مشكلات متكررة في جودة المنتجات وتعامل خدمة العملاء، حيث أشار العديد من المستخدمين إلى أنهم واجهوا صعوبات كبيرة في إصلاح الأجهزة أو استبدالها، رغم التواصل المتكرر مع فرق الدعم وخدمة العملاء.
نصيحة محدش يشتري من بي تك B.TECH
شكاوى متكررة زادت خلال الفترة الماضية من هذه الشركة، ومن بين المتضررين حكت"هدى أحمد" عبر فيس بوك تجربتها مع B.TECH، وقالت "تعامل سئ جدا وتأخير في الرد، عملت أوردر من الموقع بتاعهم لكن الجهاز اللي وصلني مختلف تماما عن اللي طلبته في كل حاجه حتى إنه أقل في السعر وعملت شكوى في يومها ولكن حتى الآن مفيش رد، وكل شويه يغيروا ويمدوا معاد الرد على الشكوى أنا ندمت اني فكرت اشتري منهم كنت فاكره إني بتعامل مع شركه ليها اسمها ومحترمه لكن للأسف، وفي نهاية حديثها نصحت بعدم التعامل مع الشركة، قائلة، "نصيحة محدش يشتري من بي تك "B.TECH".
تساؤلات حول جودة خدمة ما بعد البيع
أثارت تجربة "شمس الأمل" مع بوتاجاز وايت بوينت تم شراؤه من شركة B.TECH تساؤلات حول جودة خدمة ما بعد البيع، حيث قالت في منشور لها عبر فيس بوك "واجهت تجربة صعبة وأريد أن يستفيد الجميع منها، اشتريت البوتاجاز منذ حوالي شهرين، وظهرت أعطال في اثنين من العيون".
وأضافت أن الشركة أرسلت فنيين عدة مرات، لكن المشكلة لم تُحل بشكل نهائي، مشيرة إلى أن "الفني ركب قطعة مؤقتة في المفتاح، اشتغلت يومين وباظت تاني"، واستمرت الأعطال رغم أكثر من 6 زيارات من الفنيين، ما اضطرها لاستخدام البوتاجاز بعينين فقط.
وأوضحت أن الشركة رفضت استبدال الجهاز أو إعادة الأموال، ما دفعها للجوء إلى حماية المستهلك.
بلاش بي تك يا جماعة
وكتب متضررة آخرى عبر فيس بوك "بلاش بي تك يا جماعة الأجهزة بتاعتهم مستوردة، ومفيش عليها ضمان، وأضافت "اشتريت مكوي وديسبنسر باظت بعدها بشهرين، ولما رجعتلها قالولي إحنا ملناش دعوة حضرتك ليكي شهر بعد الشراء وبعد الشهر كدا احنا الموضوع خارج عن إرادتنا"، وأكملت: سألتهم "إزاي يا جماعة، قالولي روحي التوكيل، رحت التوكيل يقولولي ملهاش رقم مسجل عندنا على السيستم ارجعي للفرع، حاوريني يا تيتا حسبي الله ونعم الوكيل فيهم".
بي تك لم تتواصل معي حتى الآن
كما أوضح آخر تجربته مع بي تك، وقال: "حابب أنشر تجربتي الفاشلة مع شركتي بي تيك - اريستون، اشتريت عدة منتجات من بي تك منها مسطح وشفاط دهون أريستون، وقمت بتفعيل الضمان من خلال بي تيك، وللأسف في أقل من 60 يوم وجدت الحوامل وعيون البوتجاز تأكلت ولون جسم المسطح اتغير، أما الشفاط مبقاش يشفط والدهون بتتراكم على المطبخ.
وأضاف: "اتصلت بخدمة عملاء بي تك وحضر فني لفحص الأجهزة وقال إن مشكلة الشفاط بسبب فلتر كربوني لازم يتغير على حسابي بالرغم أنه في الضمان، لكن لما فحص المسطح اتصدم ومبقاش عارف يرد وصور الإثنين وقال لي أتابع مع خدمة العملاء اللي فضلت تماطل، وفي الآخر قالت إن كل المشاكل دي مسؤول عنها، والضمان بتاع أريستون مش بيغطيها".
وأكمل: "فقررت أتجه لجهاز حماية المستهلك اللي تعاملوا معايا باحترام وتواصلوا معايا بعد تقديم الشكوى، وقالولي إن بي تك هتتواصل معاك، وللأسف بي تك لم تتواصل معي حتى الآن".
أسوأ خدمة عملاء شفتها في حياتي
وعرض آخر مشكلته مع بي تك عبر فيس بوك، حيث كتب في منشور له: "اشتريت تكييف كاريير 2.25 من بي تك يوم 25/8، ولما جاء الفني اكتشفوا أن الحامل مش بتاعه، وقالوا لازم يتبدل، اتصلت بخدمة العملاء ووعدوني بالحل، لكن بقوا يماطلوا، وعملت شكوى في حماية المستهلك يوم 30/8 ومحدش تواصل معي فعليًا".
وأضاف: "بعد 10 أيام غيروا الحامل، ولما جت التركيبات ركبت التكييف لقوا الكومبريسور فيه خبطة، وعرضوا تركيبه رغم العطل، ولحد دلوقتي مفيش حل نهائي، وكل مرة يقولوا المشكلة اتصلحت"، وختم منشوره قائلًا: نصيحتي محدش يشتري من بي تك، أسوأ خدمة عملاء شفتها في حياتي".