ماجد الكدواني: فيلم "فيها إيه يعني" يحمل روح البساطة

علق الفنان ماجد الكدواني على اسم فيلمه الجديد "فيها إيه يعني"، موضحًا أن الاسم بدا غريبًا في البداية، لكن فريق العمل رأى في النهاية أنه الأنسب لطبيعة الفيلم وروحه.

وقال الكدواني، خلال لقائه في برنامج "الصورة" الذي تقدمه الإعلامية لميس الحديدي على قناة النهار:"من أول لحظة والفيلم اسمه فيها إيه يعني، فكرنا نغيره أكثر من مرة أثناء التصوير، لكن اكتشفنا أنه الاسم الأنسب والأقرب لروح العمل، فقررنا الإبقاء عليه."

وأضاف: "ردود أفعال الجمهور كانت مبهرة ومليانة طاقة إيجابية، وده خلانا نحس إننا قدمنا حاجة الناس كانت محتاجاها فعلًا."

وأشار الكدواني إلى أن الفيلم يقدم حالة مختلفة عن السائد، قائلاً: "رغم إن الناس فاكرة إن الجمهور بيدور على الأكشن، إحنا حبينا نرجع بروح البساطة زي أفلام زمان.. الأبيض والأسود، والنوستالجيا اللي كل الناس حنّت ليها لقينا إن الناس فعلاً مفتقدة النوعية دي من الأفلام الهادية اللي فيها إحساس ودفء."