رئيس مجلس الإدارة
رضا سالم
رئيس التحرير
نصر نعيم

مصر تدخل نادي الكبار عالميًا.. ألواح الشيكولاتة المصرية تقتحم قائمة أكبر 10 دول مصدرة لأول مرة

شيكولاتة
شيكولاتة

مصر دخلت قائمة أكبر 10 دول في العالم تصديرًا لألواح الشيكولاتة المحشوة لأول مرة.. والرقم المرة دي مش بسيط.

الصادرات المصرية سجلت 249.65 مليون دولار خلال 2025، لتحتل مصر المركز التاسع عالميًا، متقدمة على الولايات المتحدة الأمريكية، اللي سجلت صادرات بنحو 200.8 مليون دولار.

والقفزة الأكبر إن صادرات الشيكولاتة المصرية زادت بنسبة 64% خلال عام واحد، ووصلت الكميات المصدرة لأكثر من 28.5 ألف طن.

لكن مين أكتر الدول اللي بتشتري الشيكولاتة المصرية؟

السعودية في المقدمة بصادرات بلغت 86.82 مليون دولار، وبعدها الإمارات بنحو 36.4 مليون دولار، ثم الكويت وبريطانيا وقطر.

واللافت إن شركة مارس العالمية عندها مصنع في مدينة السادس من أكتوبر، بيصدر منتجاته لـ58 دولة حول العالم، وبيوجه نحو 93% من إنتاجه للأسواق الخارجية.

يعني الشيكولاتة اللي بتتصنع في مصر مش بس بتوصل للمستهلك المحلي، دي بقت منافس في أسواق عالمية، وبتحط الصناعة الغذائية المصرية وسط كبار مصدري ألواح الشيكولاتة في العالم.

تم نسخ الرابط