رئيس مجلس الإدارة
رضا سالم
رئيس التحرير
نصر نعيم

القطن بقى له قانون.. ممنوع ينتقل بين الصعيد والبحري من غير ترخيص

قطن
قطن

قرار رسمي من وزير الزراعة علاء فاروق اتنشر في الجريدة الرسمية: ممنوع نقل الأقطان الزهر بين الوجه القبلي والوجه البحري، ولا حتى من مركز لمركز جوه نفس المحافظة، إلا بترخيص من الوزارة.

والحد الفاصل بين الوجهين هيبقى حدود الفيوم وبني سويف مع الجيزة. والهدف إن كل صنف قطن يتحلج في المحالج المخصصة ليه في محافظته، علشان الأصناف متتلخبطش خالص.

واللي يخالف؟ أقرب محلج هيستلم القطن، وهيتحرر محضر، والقطن هيتحلج ويتباع بالسعر الرسمي، وباقي الفلوس بعد خصم أجرة الحليج هتتحط في خزينة المحكمة لحد ما القضية تتفصل فيها.

القرار رقم 373 لسنة 2026 شغال من دلوقتي على موسم حليج 2026/2027 الجديد.

تم نسخ الرابط