رئيس مجلس الإدارة
رضا سالم
رئيس التحرير
نصر نعيم

هبوط حاد والأسعار نزلت الأرض.. انهيار أسعار الدهب

سعر الذهب اليوم
سعر الذهب اليوم

إيه اللي بيحصل في سوق الذهب العالمي؟ وليه المعدن الأصفر اللي دايما المستثمرين بيهربوا له وقت الأزمات بقى بيتعرض لضربات قوية؟ وهل الفيدرالي الأمريكي يستعد لقرار ممكن يزود خسائر الذهب أكتر خلال الفترة الجاية؟

الذهب اتعرض لهبوط حاد خلال تعاملات الأربعاء.. وخسر حوالي 2% من قيمته ليسجل أدنى مستوى ليه في أكتر من سنة..

سعر الأوقية في المعاملات الفورية نزل بنسبة 2.14% ووصل لـ 3770 دولار.. بعدما سجل خلال الجلسة أقل مستوى ليه من سبتمبر 2025.. كمان العقود الأمريكية الآجلة تراجعت بنسبة 2.2% وسجلت 3779 دولار ونص تقريبا..

لكن إيه السبب وراء الهبوط العنيف ده؟

الضغوط الأساسية جاية من 3 اتجاهات.. أولها صعود الدولار الأمريكي لأعلى مستوياته في 19 شهر.. وده بيخلي شراء الذهب أغلى بالنسبة للمستثمرين اللي بيتعاملوا بعملات تانية..

تاني سبب هو ارتفاع عوائد سندات الخزانة الأمريكية.. أما السبب التالت فهو زيادة التوقعات برفع أسعار الفائدة الأمريكية خلال اجتماع ديسمبر المقبل..

واللافت إن الأسواق بقت بتسعر احتمالية بنسبة 96.7% لرفع الفائدة بمقدار ربع نقطة مئوية.. بعد تصريحات جون ويليامز رئيس الاحتياطي الفيدرالي في نيويورك عن احتمالية الحاجة لزيادة الفائدة لمواجهة التضخم..

وده معناه إن الذهب بيواجه منافسة قوية.. لأن ارتفاع الفائدة بيخلي الأصول اللي بتقدم عوائد أكثر جاذبية من الذهب اللي مش بيدي أي عائد لحائزيه..

والتراجع ماوقفش عند الذهب.. الفضة خسرت حوالي 3%.. والبلاتين نزل 1.8%.. والبلاديوم تراجع 2%..

ودلوقتي المستثمرين مستنيين محضر اجتماع الفيدرالي الأخير.. بحثا عن أي إشارات جديدة تحدد مستقبل الفائدة والدولار والذهب خلال الفترة الجاية.

تم نسخ الرابط