البرد قرب.. أسعار البطاطين تبدأ من 150 جنيه والأنواع الفاخرة تتخطى 1800 جنيه
الشتاء قرب.. ومع أول موجات البرد، الأسر المصرية بدأت تجهز البطاطين والألحفة والدفايات، لكن السؤال الأهم: هتحتاج ميزانية قد إيه عشان تدفي بيتك؟
أسعار البطاطين في الأسواق بتبدأ من حوالي 150 جنيه، وفي أنواع شعبية بتتراوح بين 175 و275 جنيه، لكن الموديلات الأعلى جودة والبطاطين التقيلة ممكن تعدي 1800 جنيه.
أما الدفايات الكهربائية، فأسعارها بتبدأ من 265 جنيه للأنواع الاقتصادية، وبتوصل لأكتر من 9 آلاف جنيه لبعض الدفايات الزيتية والسيراميكية.
لكن خلي بالك.. سعر الشراء مش هو التكلفة الوحيدة، لأن دفاية قدرتها 2000 وات بتستهلك 2 كيلووات ساعة في الساعة، يعني تشغيلها 4 ساعات يوميًا يستهلك حوالي 240 كيلووات خلال الشهر.
وعشان توفر في الفاتورة، شغل الدفاية وقت الحاجة، واقفل الشبابيك، واختار جهاز مناسب لمساحة الغرفة، والأهم التزم بتعليمات الأمان، وابعده عن الستائر والمفروشات، ومتسيبوش شغال من غير متابعة.

