قبل ما تدفع 10 آلاف جنيه إيجار.. اعرف أرخص مناطق القاهرة وأسعار الشقق في 2026
تفتكر إنك ممكن تلاقي شقة كاملة للإيجار في القاهرة بـ3 آلاف جنيه بس في الشهر؟!
رغم الارتفاع الكبير في أسعار الإيجارات، لسه فيه مناطق في القاهرة ممكن تسكن فيها بأقل من 5 آلاف جنيه شهريًا.
بحسب مؤشر مرصد العمران للربع الثالث من 2026، المرج سجلت أقل وسيط إيجار بـ3500 جنيه، وبعدها السلام بـ4250 جنيه، والأميرية بـ4500 جنيه.
والأغرب أن إعلانات العقارات بتكشف عن شقق في المطرية مساحتها 70 و75 مترًا بأسعار من 3 آلاف لـ3200 جنيه، وفي عين شمس شقق بـ3200 و3500 جنيه، وكمان شقة 90 مترًا في حدائق القبة بـ4500 جنيه.
لكن الصورة مختلفة تمامًا في المناطق الأغلى.. الزمالك وصل فيها وسيط الإيجار لـ75 ألف جنيه، بينما القاهرة الجديدة 24 ألف جنيه، ومدينة نصر 20 ألف جنيه.
يعني الفرق بين أرخص وأغلى منطقة ممكن يتجاوز 70 ألف جنيه شهريًا!
إنت شايف الأسعار دي مناسبة ولا الإيجارات بقت فوق طاقة الناس؟