رئيس مجلس الإدارة
رضا سالم
رئيس التحرير
نصر نعيم

هدايا من مصر للسياح الأجانب.. إيه اللي بيحصل عند الأهرامات؟

الأهرامات
الأهرامات

تخيل إن زيارة الأهرامات مش هتكون مجرد جولة بين أعظم آثار العالم، لكنها كمان فرصة لاكتشاف المنتجات المصرية واللي هياخدها السياح معاهم هدية.. ودي مبادرة جديدة بتستغل الإقبال السياحي الكبير على منطقة أهرامات الجيزة للترويج للعلامات التجارية المحلية قدام زوار من مختلف دول العالم.

الفكرة إن السائحين المشاركين في الجولات الخاصة بالأهرامات، اللي بتتقدم بشكل منفصل، هيحصلوا على هدايا ترحيبية من منتجات مصرية مختارة، في مجالات متنوعة، علشان يتعرفوا على نماذج من الصناعة والمنتجات المحلية.

والمبادرة مش مجرد هدايا، لكنها فرصة للشركات المصرية إنها تعرض منتجاتها لجمهور دولي، وتوصل لأسواق جديدة من غير الاعتماد على طرق التسويق التقليدية.

والهدف كمان إن تجربة السائح في مصر متقفش عند مشاهدة المعابد والآثار والتصوير، لكن تمتد للتعرف على الثقافة والمنتجات المصرية، والاستفادة من شهرة الأهرامات العالمية في دعم العلامات التجارية المحلية وفتح فرص تعاون جديدة بين السياحة والصناعة.

تم نسخ الرابط