ابنة فاروق فلوكس تحكي معاناتها في المدرسة بسبب دوره في الراقصة والسياسي

عبرت يسر ابنة الفنان فاروق فلوكس عن فخرها بوالدها، مشيرة إلى أنها تعرضت للعديد من الانتقادات والمشاكل بعدما قدم والدها دوره في فيلم الراقصة والسياسي.

ندوة تكريم فاروق فلوكس

وقالت يسر خلال ندوة تكريم والدها على هامش فعاليات الدورة 47 من مهرجان القاهرة السينمائي: لما بابا عمل الراقصة والسياسي، إحنا كان عندنا مشكلة في المدرسة، وكان في أمريكا ساعتها، واتقالنا إزاي مخلفكم وهو كده ما بيخلفش؟ ولما رجع من العرض بتاع أمريكا إلى مصر، راح قابل الناظر كان أجنبي، ودخل الفصول وجمع كل الولاد وحكى لهم القصة فابتدوا يفهموا، فكان رد فعلهم إحنا عايزين نمثل.

وأضافت يسر فاروق فلوكس: فهي القصة كده، إن المجتمع محتاج إنه يبقى عنده وعي، والوعي بيجي بالثقافة، ودور الفنان الحقيقي إنه يبرز اللي المجتمع مخبيه عشان المجتمع يبقى عنده وعي، وأنا عمري ولا أخويا ولا أختي حصل لنا حالة من حالات الخجل من هذه الأدوار، بالعكس، إحنا يعني مقدرين المجهود اللي عمله فيه جدا، ومحدش عرف يعمله بعده، وما أعتقدش حد هيقدر يعمله دلوقتي.

واختتمت يسر حديثها، قائلة: أنا شخصيا كبنتك بشكرك على هذه الأدوار، وبشكرك، وأنا فخورة إن أنا بنتك، يعني أنا في لحظة من أسعد لحظات حياتي إني موجودة جنبك هنا.