رئيس مجلس الإدارة
رضا سالم
رئيس التحرير
نصر نعيم

حل أزمة الدهابة بتوجيهات الرئيس.. اتفاق يحفظ أرزاق الناس ويحمي ثروات مصر!

نشاط الدهابة
نشاط الدهابة

سنين من المطاردة والخوف.. والنهارده فيه تحرك ممكن يغيّر المعادلة تماماً!
الدولة بتفتح صفحة جديدة مع الدهابة في جنوب مصر.. وبتتحرك لتقنين أوضاع العاملين في التنقيب عن الذهب، استجابة لمطالب أهالي الجنوب وتوجيهات الرئيس عبد الفتاح السيسي.

طب إيه اللي بيحصل بالظبط؟

فيه اتفاق شامل بيتم العمل عليه بالتنسيق بين الجهات المعنية وممثلي القبائل والعاملين في التنقيب، بهدف تحويل النشاط من العمل العشوائي إلى نشاط منظم وتحت مظلة القانون.

يعني إيه؟

يعني العامل يقدر يحافظ على مصدر رزقه ويشتغل بشكل قانوني، وفي نفس الوقت الدولة تحمي ثرواتها المعدنية وتضمن استغلالها بشكل منظم.
والاتفاق بيتضمن تأمين مناطق التنقيب من خلال القوات المسلحة، بينما يتولى جهاز مستقبل مصر تنظيم النشاط وإدارته اقتصادياً.
ومش بس كده!
فيه كمان تحرك لمعالجة أوضاع المحبوسين على ذمة قضايا التنقيب عن الذهب، ودراسة الإفراج عنهم وفقاً للاستثناءات والضوابط القانونية.
الخلاصة إننا قدام تحول مهم.. هدفه إن رزق الناس يبقى في النور، وثروات مصر تبقى محمية، وجنوب مصر يستفيد من موارده في تنمية حقيقية.

تم نسخ الرابط