ماهر الأسد اختفى بعد سقوط النظام! من العراق إلى روسيا .. أين انتهى رجل الظل؟
قبل الكمبيوتر بـ1100 سنة.. عالم عربي اكتشف طريقة فك الرسائل السرية!
تخيل توصلك رسالة كلها رموز غريبة، ومفيش معاها أي مفتاح يشرحلك كل رمز معناه إيه .. هتعرف تفكها إزاي؟
المفاجأة إن عالم عربي عرف يعمل ده من أكتر من 1100 سنة، من غير كمبيوتر ولا برامج!
اسمه أبو يوسف يعقوب بن إسحاق الكندي، وكان عايش في بغداد في القرن التاسع الميلادي.
الكندي قدم طريقة ذكية جدا لفك الرسائل المشفرة، وسجلها في مخطوطة اسمها «رسالة في استخراج المعمى».
فكرته كانت بسيطة لكن عبقرية .. لاحظ إن مش كل الحروف بنستخدمها بنفس المعدل، يعني فيه حروف بتتكرر في كلامنا أكتر من غيرها.
فبدأ يعد الرموز اللي بتتكرر في الرسالة، ويقارنها بالحروف الأكثر استخداما في اللغة، وبعدها يجرب يركب الكلمات لحد ما يوصل للمعنى.
والطريقة دي اسمها تحليل التردد، وبقت واحدة من أقدم الطرق المعروفة لفك الشفرات في التاريخ.
يعني الكندي كان بيحلل الرسائل السرية من أكتر من ألف سنة، قبل ما العالم يعرف الكمبيوتر أصلا!
تفتكروا كام سر تاني في تاريخنا سبق بيه العلماء العرب العالم؟
