رئيس مجلس الإدارة
رضا سالم
رئيس التحرير
نصر نعيم

مشروع قانون جديد لتشديد عقوبات سرقة الكهرباء ومخالفات التراخيص

الكهرباء
الكهرباء

فاتورة الكهرباء مش هي الحاجة الوحيدة اللي ممكن تكلفك كتير.. لأن مشروع قانون جديد ممكن يرفع غرامات بعض مخالفات الكهرباء لمبالغ توصل لمليون جنيه!

الحكومة تقدمت بمشروع قانون لمجلس النواب لتشديد العقوبات على المخالفين، وده بيشمل أكتر من نوع من المخالفات.

أولًا: تشديد العقوبات المالية على المرخص لهم لو خالفوا شروط التراخيص.

ثانيًا: فرض غرامات من مليون جنيه لحد مليونين جنيه على مخالفي ضوابط الترخيص.

ثالثًا: معاقبة المخالفين لمعايير الجودة الفنية والقياسية الخاصة بالخدمات الكهربائية.

وكمان المشروع بيتضمن تغريم المشترك المخالف لأحكام القانون بمبلغ ممكن يوصل لـ500 ألف جنيه.

أما المفاجأة، فهي إن مصادرة الأجهزة والمعدات محل المخالفة ممكن تتم بحكم قضائي في جميع الأحوال.

لكن خلي بالك، دي عقوبات واردة في مشروع قانون مطروح، ومش معناها إنها دخلت حيز التنفيذ بالفعل.

تم نسخ الرابط