غلق وتشميع 270 مغسلة وإلغاء وصلات المياه المخالفة ورفع العدادات بالفيوم
من التعثر للإنتاج.. إزاي وزارة الصناعة هتساعد المصانع ترجع تشتغل؟
عندك مصنع متعثر ومش عارف ترجّع خطوط الإنتاج تشتغل من تاني؟.. وزارة الصناعة بتقدم حلول جديدة لإنقاذ المصانع المتوقفة، وتحويلها لفرص استثمارية بدل ما تفضل طاقاتها معطلة.
الموضوع بيبدأ من منظومة دعم المصنعين، اللي بتسمح لصاحب المصنع يسجل بياناته، وبعدها يتم تقييم حالته وتحديد أسباب التعثر، واختيار أنسب طريقة لإعادة التشغيل.
والوزارة حددت 3 مسارات للحل.. أولها الدخول في شراكات جديدة مع مستثمرين يقدروا يضخوا أموال ويطوروا النشاط الصناعي.
المسار التاني التمويل، من خلال صندوق إعادة هيكلة المصانع المتعثرة، بتمويل إجمالي مليار جنيه، مع توفير رأس المال العامل وإعادة هيكلة الديون، ومتابعة المصنع لحد ما يرجع للإنتاج.
أما المسار التالت، فبيركز على الحلول الفنية والتشغيلية، من خلال مركز تحديث الصناعة، لتحديد المشكلات ووضع خطط تطوير مناسبة.
والتسجيل متاح إلكترونيًا لمستخدمي أندرويد وآيفون، والهدف إن المصانع ترجع تنتج، وتوفر فرص استثمار، وتقلل فاتورة الاستيراد.
