حازم إمام يفاجئ حسام حسن برسائل نارية

وجه حازم إمام، نجم الزمالك ومنتخب مصر السابق، انتقادات إلى حسام حسن، المدير الفني لمنتخب مصر، على خلفية الأزمة الأخيرة مع محمد الشناوي، حارس مرمى الأهلي، مشيرًا إلى أن تصريحات المدير الفني خلال المؤتمرات الصحفية تتسبب في إثارة أزمات وتؤثر على عمله مع المنتخب.

وقال حازم إمام، خلال تصريحات عبر برنامج «من القاهرة»: «أنت لعيب كبير جدًا ومدرب كويس جدًا، بس عندك مشكلة، المؤتمرات الصحفية بتعملك مشكلة وبتضيع شغلك».

وأضاف: «إحنا بقالنا يومين بنتكلم على تصريحات حسام حسن، قبل المعسكر الدنيا كانت مستقرة، وفجأة الدنيا اتكهربت بسبب التصريحات».

وتابع: «أكتر الكارهين لحسام حسن مكنش يتوقع السيناريو ده، أنت من كأس العالم جاي ملك الملوك، وعندك مشكلة ولازم تعترف بيها، المؤتمرات الصحفية بتعملك مشاكل كتير وبتضيع شغلك».

وأكمل حازم إمام حديثه قائلًا: «إيه لازمتها في يومين تضرب في اتنين عندك مهمين بلا داعي؟».

واختتم تصريحاته بالإشارة إلى أن حسام حسن يشعر دائمًا بعدم التقدير، قائلًا: «حسام حسن عنده دايمًا إحساس بعدم التقدير وإن محدش بيقدر شغله، رغم إن الكل بيشيد بيه وبإنجازاته سواء كلاعب أو مدرب، أنا معرفش ليه دايمًا عنده إحساس إنه مش متقدر، فبيقول أنا عملت.. خلي الناس هي اللي تقول عملت».