بعد إيقافه.. إكرامي يفجر مفاجأة بشأن عودة رمضان صبحي للملاعب

كشف إكرامي، نجم الأهلي السابق ووالد زوجة رمضان صبحي، لاعب بيراميدز، عن آخر تطورات أزمة اللاعب، عقب صدور قرار بإيقافه لمدة 4 سنوات في قضية المنشطات.

وقال إكرامي، خلال تصريحات عبر قناة «إم بي سي مصر 1»: «قدر الله وما شاء فعل، هو نصيبه كده، والحمد لله إنه واقف على رجليه وبصحته ووسط ولاده».

وأضاف: «إيه اللي ممكن يحصل بعد كده؟ لسه شوية، في وقتها هقولك».

وتابع إكرامي: «اصبر بس شوية، متستعجلش، مفيش طعن تاني، لكن في حاجة ممكن تحصل بعد كده، وربنا يسهل بعدما تيجي الحيثيات من المحكمة، وفي حاجة اسمها التماس».

وتثير تصريحات إكرامي حالة من الترقب بشأن الخطوة المقبلة في أزمة رمضان صبحي، خاصة مع حديثه عن إمكانية اتخاذ إجراء جديد بعد صدور حيثيات الحكم.