بسبب الحر.. القصة الكاملة لـ إصابة 46 من طلاب "تربية رياضية طنطا"

تصدرت الأحداث التي شهدتها كلية التربية الرياضية بجامعة طنطا، محركات البحث عبر مواقع التواصل الاجتماعي، خلال الساعات القليلة، وذلك عقب انتشار مقاطع فيديو وثقت لحظة نقل عدد من الطلاب إلي المستشفى بعد إصابتهم بحالة إغماء بسبب وقوفهم تحت أشعة الشمس لأداء أحد الاختبارات المقررة من قبل الكلية، وهو الأمر الذي قوبل بحالة من الغضب من رواد مواقع التواصل الاجتماعي حزنا على ما حدث للطلاب.

احداث كلية التربية الرياضية 

المعلومات الأولية التي جاءت من خلال نشر تدوينات لطلاب كلية التربية الرياضية، عبر موقع التواصل الإجتماعي "فيسبوك"، أفادت أن ما يقرب من 46 طالب وطالبة أصيبوا بحالات اغماء وجري نقلهم إلى المستشفى لتلقي العلاج اللازم.

وتواصل موقع "تفصيلة" مع إحدى الطالبات والتي روت تفاصيل ما حدث خلال الساعات القليلة الماضية داخل كلية التربية الرياضية بجامعة طنطا.

وقالت الطالبة: "النهاردة حصل شيء ميتسكتش عليه، كنت موجودة وشفت كل حاجة بعيني، امتحان النهاردة كان على "ماده ميدان ومضمار" ماده بنمتحنها فى التراك  في عز الشمس والحر الشديد، والدنيا كانت مولعة نار، والطالبات واقفين بالساعات تحت الشمس من غير أي رحمة ولا شفقة، وكأننا مش بشر".

وتابعت: "البنات كانت بتقع واحدة ورا التانية، والإسعاف كانت داخلة طالعة تنقل المصابين، والدكاترة قاعدين تحت الشمسية ولا كأن في حاجة بتحصل، وفيه طالبات قلبها وقف واتنقلت للمستشفى، وفيه اللي لسه في غيبوبة، مستطردة:" إزاي ده يحصل؟.. إزاي إدارة الكلية تكون عارفة إن الجو نار والمادة هتتعمل في التراك وبرضه تصمم تمتحننا؟".

واوضحت:"اللي حصل دا اسمه إهمال جسيم، وعدم إنسانية، وسوء إدارة لازم يتحاسب عليه كل مسؤول، أولهم عميد الكلية!، احنا مش مجرد أرقام، احنا أرواح وأحلام، واللي حصل النهاردة ظلم وقهر وإهانة لكل طالبة وتقصير في حقنا كبشر قبل ما نكون طلاب، وكل مسؤول شارك في المهزلة دي، واللي شاف وسكت، واللي اختار يمتحن على حساب أرواح الناس وجايين يأجلوا الامتحان بعد اما حالة وفاة حصلت وكأن ادركوا خلاص إن الموضوع جد وقبلها كثير إغماء وكأن الاغماء ده كحة بالنسبالهم ولا فى اى ردة فعل اتجاه الموضوع غير الامتحان أهم حاجة".